រត់សឹងមិនទាន់ ទឹកជ្រោះជន់បុ»កមកខ្លាំង ក្រោយភ្លៀងធ្លាក់ (មានវីដេអូ)

ថ្មីៗនេះ យើងសង្កេតឃើញថា ករណីទឹកជន់លេចពីលើភ្នំ បានកើតឡើងបន្ដបន្ទាប់ ក្រោយពីមានភ្លៀងធ្លាក់ ដែលបង្កឲ្យមានគ្រោះថ្នាក់ដល់ភ្ញៀវទេសចរណ៍ទៅលេងកម្សាន្ត។ ជាក់ស្ដែង បងប្រុសម្នាក់ បានចែករំលែកវីដេអូមួយ ដែលបង្ហាញពីស្ថានភាពទឹកបុកច្រាលយ៉ាងខ្លាំងមកពីលើភ្នំ គួរឲ្យភ័យខ្លាច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងវីដេអូនោះ បងប្រុសរូបនេះ បានរៀបរាប់ថា ភ្ញៀវដែលទៅកម្សាន្តនៅតាមដងអូរ ឬនៅតាមទឹកជ្រោះ រត់សឹងតែមិនទាន់ ដោយសារតែទឹកបាក់ទំនប់ ឬក៏ទឹកជន់ខ្លាំងធ្លាក់មកល្បឿនលឿន បើរត់មិនទាន់គឺត្រូវទឹកបុកយកទៅហើយ តាមការមើលឃើញជាក់ស្ដែង ពិតជាគួរឲ្យតក់ស្លុត។

គួរបញ្ជាក់ផងដែរថា ជាសំណាងល្អ មនុស្សម្នាររត់ឡើងទីខ្ពស់ទាន់ ទើបមិនធ្វើឲ្យនរណាម្នាក់ មានគ្រោះថ្នាក់នោះទេ ប៉ុន្ដែក៏សូមធ្វើការប្រុងប្រយ័ត្ន បើសិនជាបងប្អូនចង់ទៅលេងនៅតាមជ្រោះឬទីកន្លែងដែលមានទឹក សូមកុំទៅខែភ្លៀង ជៀសវាងសប្បាយក្លាយជាទុក្ខ៕

សូមទស្សនាវីដេអូខាងក្រោមនេះ៖

@ksonlineshope

♬ original sound - KS online Shop

• វីដេអូ
• រូបភាព