តារាជើងចាស់ហុងកុង Chow Yun Fat បង្ហើបថា ជួបឧបទ្ទវហេតុធ្ងន់មួយ ត្រូវសម្រាក២ខែ

ហុងកុង៖ ជឿជាក់ថា ប្រិយមិត្តច្បាស់ជាបានស្គាល់ តារាសម្តែងជើងចាស់ លោក Chow Yun Fat ដែលបានបង្ហាញខ្លួនក្នុងខ្សែភាពយន្តហុងកុងល្បីៗ ក៏ដូចជាទទួលបានការគាំទ្រពីទស្សនិកជនជាច្រើន ទាំងក្នុងស្រុក និងក្រៅស្រុក ទៀតផង។

ដោយឡែក កាលពីថ្ងៃទី ២៨ ខែកក្កដាកន្លងទៅនេះ តារាសម្តែងជើងចាស់រូបនេះ បានចូលរួមសន្និសីទសាកលវិទ្យាល័យហុងកុង និងបាននិយាយអំពីខ្សែភាពយន្តរបស់ខ្លួន​ ព្រមទាំងបានចែករំលែកបទពិសោធន៍ជីវិត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែនៅក្នុងនោះដែរ អ្វីដែលគួរឲ្យចាប់អារម្មណ៍បំផុតនោះគឺ តារាសម្ដែងជើងចាស់រូបនេះ ស្រាប់តែបានលើកឡើងពីរឿងនឹកស្មានមិនដល់មួយ ដែលកាលពីថ្មីៗ​នេះ​ រូបលោកបាន​ជួប​ឧបទ្ទវហេតុ​ ពេល​កំពុង​រត់​បណ្តាល​ឱ្យ​ដួល។

លើសពីនេះ ការជួប​ឧបទ្ទវហេតុ​មួយនេះ ក៏បានបណ្តាលឲ្យបា.ក់ឆ្អឹ.ងជំនីរទី៤ ផ្នែកខាងឆ្វេងនៃរាងកាយ ខណៈដែលពេលនេះ មិនថាការសើច ការក្អក ឬសូម្បីតែដកដង្ហើម ក៏រូបលោកមានអារម្មណ៍ថា ឈឺចាប់ខ្លាំងដែរ។ មិនត្រឹមតែប៉ុណ្ណោះ លោក Chow Yun Fat ក៏បានលើកឡើងទៀតថា គ្រូពេទ្យបានសុំឱ្យលោក ឈប់រត់រយៈពេលពីរខែ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន