ស្មានតែឆ្កែមែនទែន បុរសជប៉ុនម្នាក់ ចំណាយជាង១ម៉ឺន៤ពាន់ដុល្លារ ដើម្បីបំពេញក្ដីសុបិនក្លាយជាសត្វឆ្កែ

កម្សាន្ត៖ ថ្មីៗនេះ បុរសម្នាក់ ជនជាតិជប៉ុន បានធ្វើឲ្យពិភពភ្ញាក់ផ្អើលជាមួយនឹងចរិតដ៏ចម្លែករបស់លោក ដែលខ្លួនបានចំណាយលុយសរុប ១ម៉ឺន៤ពាន់ដុល្លារ ដើម្បីធ្វើជាសត្វឆ្កែ។ តាមប្រភពមួយបានឲ្យដឹងថា បុរសម្នាក់ដែលមានគណនី Twitter ឈ្មោះ Toco បានចំណាយលុយឲ្យគេបង្កើតជាស្រោមដូចជាឆ្កែមានជីវិត ដើម្បីពាក់ធ្វើជាឆ្កែ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា មិនមែនទើបតែថ្មីៗទេ ដែល ​Toco បានពាក់ស្រោមហើយធ្វើអត្តចរិតធ្វើជាសត្វឆ្កែបែបនេះ លោកបានចំណាយពេលជាង១ឆ្នាំរស់នៅក្នុងស្រោមនេះហើយ។ ប៉ុន្ដែនេះជាលើកដំបូង ដែលលោកមានភាពក្លាហាន ចេញដើរនៅខាងក្រៅបែបនេះ ទំនាក់ទំនងជាមួយមនុស្សខាងក្រៅ ប្រៀបដូចជាឆ្កែពេលជួបមនុស្សអញ្ចឹងដែរ។

មិនតែប៉ុណ្ណោះ បើយើងក្រឡេកទៅមើលរូបភាពវិញ​ ស្ទើតែគិតថាវាជាសុនកពិតៗ ប៉ុន្ដែវាជាស្រោមដែលមានមនុស្សនៅពីក្នុង ដោយបុរសដែលមានចំណូលចិត្តចម្លែកនេះ មិនដែលបង្ហាញមុខជាមនុស្សពិតរបស់លោក ទៅកាន់សាធារណជនបានឃើញនោះទេ៕

ប្រភព៖ South China Morning Post

ដើម្បីកាន់តែច្បាស់ សូមទស្សនាវីដេអូខាងក្រោមនេះ៖

着ぐるみをオーダーしてました！　おかげさまで動物になってみたいという夢を叶えることができました！ https://t.co/jUFxSWW6cl pic.twitter.com/zJIX8VcWfm

— トコ（toco） (@toco_eevee) April 11, 2022

• រូបភាព