ចាំអ៊ុតមើលថា ស្អាតប៉ុនណា? ល្ងាចនេះ នៅកម្ពុជា នឹងមាន ព្រឹត្តិការណ៍ «ព្រះចន្ទពេញបូណ៌មី»

ភ្នំពេញ៖ ពិតណាស់ ក្នុងថ្ងៃអង្គារ ទី ០១ ខែ សីហា ឆ្នាំ ២០២៣នេះ ក្នុងប្រទេសកម្ពុជាដែលជាប្រទេសកាន់ព្រះពុទ្ធសាសនា ត្រូវជាថ្ងៃសីល ១៥ កើត ខែអាសាឍ នៅពេលយប់យើងនឹងអាចមើលឃើញព្រះចន្ទពេញបូណ៌មី រះជះចាំងពន្លឺយ៉ាងស្រស់ស្អាតផងដែរ។

ប៉ុន្តែបើងាកក្រឡេក ទៅកាន់ប្រទេសលោកខាងលិចវិញ នៅល្ងាចថ្ងៃអង្គារ ទី០១ ខែសីហា ឆ្នាំ២០២៣ នេះ អ្នកវិទ្យាសាស្ត្របានចាត់ទុកថា វាគឺជា «ព្រឹត្តិការណ៍ Supermoon»។ ដែលក្នុងនោះ វាជា ព្រឹត្តិការណ៍ ១ ក្នុងចំណោមព្រឹត្តិការណ៍ Supermoon ធំៗទាំង ៤ នៅក្នុងឆ្នាំ២០២៣នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ យើងអាចនឹងមើលឃើញរូបរាងព្រះចន្ទធំជាងមុន និងពន្លឺភ្លឺថ្លា នៅចន្លោះចាប់ពីម៉ោង ៦ៈ១៥ នាទី ល្ងាចតទៅ (ម៉ោងនៅកម្ពុជា) ប្រសិនបើមេឃនិងអាកាធាតុមិនមានភ្លៀងធ្លាក់ដូចសព្វមួយដង៕

ប្រភព៖ Cambo Space

• វិទ្យាសាស្រ្ត
• រូបភាព