ឈប់ឡាន ថតរូបលេីផ្លូវល្បឿនលឿន​ ទ្រី​ ដាណា​ ត្រូវមហាជនបង្ហាញការមិនពេញចិត្តព្រាត

ភ្នំពេញ៖ ថ្មីៗនេះ លោកជំទាវ ទ្រី ដាណា ដែលមហាជនភាគច្រើនស្គាល់តាមរយៈបណ្ដាញសង្គមក្នុងការលក់ផលិតផល និងការចុះជួយការងារសប្បុរសផ្សេងៗ បានធ្វើដំណើរទៅលេងនៅឯខេត្តព្រះសីហនុយ៉ាងរីករាយ ដោយធ្វើដំណើរតាមផ្លូវល្បឿនលឿន និងបានឈប់ថតរូបមួយចំនួនរួចបង្ហោះទៅលើគណនីហ្វេសប៊ុកផេកផ្ទាល់ខ្លួន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ រូបជាច្រើនទាំងនោះ ត្រូវបានអ្នកគាំទ្រខ្លះក៏ចូលមកសរសើរពីសម្រស់របស់លោកជំទាវរូបនេះជាហូរហែ។ ហើយក្នុងការបង្ហោះរូបនោះ ក៏មានមតិរិះគន់ជាច្រើនដូចគ្នា បានចូលមកប្រតិកម្ម។

ដោយក្នុងនោះ អ្នកលេងបណ្ដាញសង្គម បានបង្ហាញការមិនពេញចិត្តត្រង់ថា ទ្រី ដាណា បានឈប់ឡានថតរូបនៅលើផ្លូវល្បឿនលឿនហាក់ដូចជាភ្លេចគិតអំពីសុវត្ថិភាព និងបំរាមដែលគេបានហាម។ ព្រោះដោយសារតែច្បាប់និងបំរាមនៅលើផ្លូវនេះ គឺគេហាមមិនឲ្យអ្នកដំណើរឈប់នោះទេ ព្រោះរថយន្តដែលបើកលើផ្លូវនេះសុទ្ធតែបើកបរក្នុងល្បឿនលឿន ដូច្នេះវាអាចងាយស្រួលក្នុងការបង្កឲ្យមានគ្រោះថ្នាក់នានា កើតឡើងដោយមិនអាចស្មានទុកមុនបាននោះឡើយ៕

• រូបភាព