ខូចចិត្តបែបអូប៉ា Jung Haein បង្ហាញអារម្មណ៍ភ្ញាក់ផ្អើលរឿង Jisoo មានសង្សារ

កម្សាន្ត៖ ថ្មីៗនេះ តារាចម្រៀង និង​សម្ដែង Jisoo ដែលជាសមាជិកក្រុម Blackpink បានធ្វើឲ្យអ្នកគាំទ្រជុំវិញពិភពលោកភ្ញាក់ផ្អើល ជាមួយនឹងដំណឹងទំនាក់ទំនងស្នេហារបស់នាង និង តារាសម្ដែងប្រុស​ លោក Ahn Bo hyun ដែលអ្នកទាំងពីរកំពុងមើលចិត្តគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍ទៀតនោះ លោក Jung Haein ដែលជាដៃគូសម្ដែងរបស់ Jisoo នៅក្នុងរឿង Snow Drop បានបង្ហាញអារម្មណ៍ភ្ញាក់ផ្អើលផងដែរ។ ទន្ទឹមនឹងនោះ លោកបាននិយាយមុននេះបន្ដិច ប្រាប់ទៅកាន់អ្នកកាសែតថា លោកមិនបានដឹងពីរឿងនេះសោះ ខ្លួនពិតជាភ្ញាក់ផ្អេីលពេលអានព័ត៌មានលេី Naver។

មិនតែប៉ុណ្នោះ Jung Haein ក៏សូមជូនពរអោយ Jisoo មានសុខភាពល្អ និង ក្តីស្រលាញ់ដ៏ស្រស់បំព្រង ដែលសម្ដីនេះ ពេលដែលអ្នកគាំទ្រស្ដាប់ឮហើយពិតជារំជួលចិត្ត ដោយកន្លងមកគេឃើញ តារាប្រុសរូបនេះ ស្និតស្នាលនឹង Jisoo ថែមទាំងធ្លាប់ទៅចូលរួមខនសឺតនាងទៀតផង។

ជាពិសេស អ្នកគាំទ្រចង់ឲ្យ Jisoo និង Jung Haein មានទំនាក់ទំនងស្នេហា ដែលខុសស្រឡះពីការពិតទៅវិញ ដែលនេះក៏ជា ទំនាក់ទំនងដំបូងរបស់នាងតាំងពីចូលសិល្បៈមក៕

• រូបភាព
• តារាកូរ៉េ