ហ្វេនៗរឿងខ្មោច មិនគួររំលងរឿង «ខ្មោចចូល» (Ghost Possessions) របស់អ្នកនិពន្ធល្បីឈ្មោះ ហ៊ុយ យ៉ាឡេង មួយនេះទេ! (មានវីដេអូ

ភ្នំពេញ៖ ឥឡូវនេះភាពយន្តបែបរន្ធត់ ភ័យខ្លាច ព្រឺព្រួចស្ទើតែលស់ព្រលឹង បានមកដល់ជាថ្មីម្តងទៀតហើយ កំពុងចាក់បញ្ជាំងនៅគ្រប់រោងភាពយន្តទាំងអស់ ចាប់ពីថ្ងៃទី ២៧ ខែកក្កដា ឆ្នាំ២០២៣ នេះតទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខ្សែភាពយន្តរឿង «ខ្មោចចូល» (Ghost Possessions) គឺជាស្នាដៃនិពន្ធ និងដឹកនាំរឿង ពីអ្នកនិពន្ធល្បីឈ្មោះរបស់រឿង «ធ្មប់» និងរឿង «វិកលចរឹក» ដែលសុទ្ធតែជារឿងខ្មោចប្រភេទបែបរន្ធត់ៗ ធ្លាប់ទទួលបានការកោតសសើរយ៉ាងខ្លាំងពីសំណាក់ទស្សនិកជនជាច្រើន គឺលោក ហ៊ុយ យ៉ាឡេង។

មកលើកនេះសុទ្ធតែតុហោះ កៅអីហោះ ត្រៀមស្រែកឱ្យផ្អើលរោងកុនទៅ ហ្វេនៗរឿខ្មោច។ បច្ចុប្បន្ននេះរឿង «ខ្មោចចូល» (Ghost Possessions) ក៏ទទួលបាននូវការពេញចិត្ត និងទទួលបានពិន្ទុ១០/១០ ផងដែរ ពីអ្នកទស្សនិកជន ដែលបានទស្សនារួចមក ព្រោះពួកគេបានពេញចិត្តយ៉ាងខ្លាំងទៅលើសាច់រឿង និងការសម្តែងរបស់តួអង្គ ស្ទើតែល្អឥតខ្ចោះគ្រប់តួទាំងអស់។​

សូមបញ្ជាក់ថា រឿង «ខ្មោចចូល» (Ghost Possessions) គឺបាននិយាយពីសាច់រឿងខ្មោចពិតមួយដែលបានកើតឡើងកាលពីឆ្នាំ១៩៩១ កន្លងទៅ។ វាក៏បានលាយឡំជាមួយនឹងអបិយជំនឿរបស់គ្រូចាប់ខ្មោចកាលពីសម័យមុន និងតំណមមួយចំនួនទៀត ដែលមនុស្សជំនាន់ថ្មីមិនធ្លាបបានដឹងនោះទេ។

តោះ! តោះ! ចង់ដឹងថារឿង «ខ្មោចចូល» (Ghost Possessions) បានលាតត្រដាងអំពីអបិយជំនឿខ្មោចព្រាយបិសាចបែបរន្ធត់ៗ និងគួរឱ្យភ័យខ្លាចខ្លាំងយ៉ាងណានោះ សូមកុំភ្លេចទៅតាមដានទស្សនាទាំងអស់គ្នា ដើម្បីគាំទ្រភាពយន្តខ្មែរយើងឱ្យបានច្រើនកុះករ៕

• ភាពយន្ត
• វីដេអូ