នៅជាមួយគ្នាយូរកាន់តែមានក្ដីសុខ ចៀវៃ រៀបចំខួបស្នេហ៍ ៧ឆ្នាំ ជាមួយស្វាមី

តៃវ៉ាន់៖ សម្រាប់តារាសម្ដែងស្រីតៃវ៉ាន់ Ruby Lin ហៅ ចៀវៃ និងស្វាមី លោក Wallace Huo តែងតែត្រូវបានមហាជនជាច្រើនតាមដាន ពីជីវិតរស់នៅរបស់អ្នកទាំងពីរ ក្រោយពីបានសាងគ្រួសារនឹងគ្នាជាច្រើនឆ្នាំ បើទោះបីជាកាលពីកន្លងមក រឿងរ៉ាវក្នុងគ្រួសារបានលេចចេញនូវចចាមអារាមពីការប្រេះឆា មិនឈប់ឈរក៏ដោយ។ 

ប៉ុន្តែកាលពីថ្មីៗកន្លងទៅនេះវិញ តារា​សម្ដែងស្រី Ruby Lin ស្រាប់តែបាន​បង្ហោះនូវ​រូបភាពមួយ ដែលធ្វើឲ្យប្រិយមិត្តផ្ទុះការចាប់អារម្មណ៍យ៉ាងខ្លាំង ដោយនៅក្នុងនោះ ក៏បានបង្ហាញពីការរៀបចំ ​ក្នុង​ឱកាស​គម្រប់​ខួបស្នេហ៍ ៧ ឆ្នាំ​របស់នាង និងស្វាមី ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈរូបភាពនោះ តារាស្រី Ruby Lin និង ស្វាមី បានលើកកែវស្រាក្រហម ដោយភ្ជាប់ជាមួយសារបង្ហោះសរសេរយ៉ាងខ្លី បង្ហាញពី លេខ ៧ ជាមួយនឹងនិមិត្តសញ្ញាផ្កា និងបេះដូង។ ហើយនេះក៏អាចបញ្ជាក់ឲ្យឃើញថា ជីវិតគូស្វាមីភរិយារបស់តារាប្រុសស្រីមួយគូនេះ គឺនៅតែមានភាពផ្អែមល្អែម ពោរពេញដោយក្ដីសុខ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន