ក្រសួងសុខាភិបាល បានចេញសេចក្ដីប្រកាសជុំវិញករណីចំនួនផ្ទុះឡើង នៃមេរោគអេដស៍នៅកម្ពុជា

សង្គម៖ ថ្មីៗនេះ មានគណនីហ្វេសប៊ុកមួយ បានចែករំលែកពីទិន្នន័យមិនពិត នៃការផ្ទុះឡើងនៃជំងឺអេដស៍ កើនឡើងជាង ១ពាន់នាក់។ ដែលជាមូលហេតុបង្កការភ័យខ្លាច និងការភ័ន្តច្រឡំដល់ប្រជាជនកម្ពុជា តាមរយ:ការចែករំលែកតាមបណ្ដាយសង្គមមួយនេះ។

ទន្ទឹមគ្នានេះ ក្រសួងសុខាភិបាលបានចេញសេចក្ដីប្រកាស ច្រានចោលទាំងស្រុងភ្លាមៗថា ជាព័ត៌មានមិនពិតនោះទេ។ ដូច្នេះសូមឲ្យម្ចាស់គណនីហ្វេសប៊ុក ដែលបានផ្សាយនោះ បញ្ឈប់ការផ្សាយបែបននេះតទៅទៀត។ ក្រសួងសុខាភិបាល ថែមទាំងបានអំពាវនា​វដល់ប្រជាជនកម្ពុជាចូលរួមទប់ស្កាត់ និងបញ្ឈប់ការផ្សាយរឿងមិនពិតបែបនេះតទៅទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដើម្បីចូលរួមទប់ស្កាត់ចៀសវាងរាល់ព័ត៌មានមិនពិតអំពីមេរោគអេដស៍ ក្រសួងសុខាភិបាល បានបង្ហាញឈ្មោះស្ថាប័នធ្វើការពាក់ព័ន្ធ និងមេរោគអេដស៍រួមមាន  អាជ្ញាធរជាតិប្រយុទ្ធនឹងជំងឺអេដស៍ មជ្ឈមណ្ឌលជាតិប្រយុទ្ធនឹងជំងឺអេដស៍ សេីស្បែកនិងកាមរោគ និងអង្គការយូអ៉ិនអេដស៍ (UNAIDS)៕ 

ប្រភព៖ ក្រសួងសុខាភិបាលនៃព្រះរាជាណាចក្រកម្ពុជា