ផឹកកាហ្វេខ្មៅជួយរាងកាយច្រើនមែន តែដឹងអត់ថាផឹកលើសបរិមាណប៉ុណ្ណេះ អាចបង្កផលអាក្រក់ដល់សុខភាពអ្នក?​

សុខភាព៖ មនុស្សជាច្រើ​នលើលោក ជាពិសេសគឺមនុស្សពេញវ័យ ពិតជាចូលចិត្តផឹកកាហ្វេខ្មៅ ខ្លាំងណាស់ ដល់ថ្នាក់អ្នកខ្លះក្លាយជាមនុស្សញៀនកាហ្វេ ត្រូវផឹករាល់ថ្ងៃ ទើបនៅស្រណុកក្នុងខ្លួន។ អ្នកខ្លះផឹក​មួយថ្ងៃ១កែវ ប៉ុន្តែអ្នកខ្លះទៀតផឹករហូតដល់ ២ - ៣ កែវឯណោះ។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការផឹកកាហ្វេខ្មៅ គឺមានសារប្រយោជន៍ជាច្រើនដល់រាងកាយ ប៉ុន្តែស្របគ្នានោះ ការផឹកលើសបរិមាណលើសកម្រិត គឺផ្ដល់ផលអាក្រក់មកកាន់រាងកាយយើងទៅវិញទេ។​ យ៉ាងណាមិញ យោងតាមការស្រាវជ្រាវ បានបញ្ជាក់ថា ការផឹកភេសជ្ជៈដែលមានជាតិកាហ្វេអ៊ីន លើសពី ៤០០ មីលីក្រាម ឬស្មើនឹង ៤ ទៅ៥កែវកាហ្វេ ក្នុងមួយថ្ងៃ អាចផ្ដល់ផលអាក្រក់មកលើរាងកាយអ្នក ជាជាងការផ្ដល់អត្ថប្រយោជន៍ ជាពិសេសសម្រាប់អ្នកដែលកំពុងផឹកថ្នាំផ្សេងៗ។​

ដូច្នេះ អ្នកគួរប្រុងប្រយ័ត្នលើការផឹកកាហ្វេលើសបរិមាណ ហើយបើសិនមានអាការៈដូចជា គេងមិនលក់, ក្លាយជាញ័រញាក់, ចង្វាក់បេះដូងដើរលឿន, ឈឺក្រពះ , ចង់ក្អួត, ឈឺក្បាល និងមានអារម្មណ៍មិនសប្បាយចិត្ត (dysphoria) គឺមានន័យថាអ្នកទទួលទានកាហ្វេលើសបរិមាណហើយ៕  

ប្រភព៖: fda

• អាហារ
• ជីវិត