មិនត្រឹមតែល្បី តែ ឈិនឡុង ជាម្ចាស់នាវាទំនើបមួយនេះ

ចិន៖ ក្រៅពីមានភាពល្បីល្បាញនៅក្នុងរង្វង់សិល្បៈ ដែលទទួលបានការគាំទ្រយ៉ាងច្រើនហើយនោះ ថ្មីៗនេះ តារាសម្ដែងជើងចាស់ លោក Jackie Chan ត្រូវបានគេរាយការណ៍ថា ជាម្ចាស់ទូកក្តោងទំនើបមួយមានឈ្មោះថា Jinlong ។

ក្នុងនោះដែរ បានបង្ហាញឲ្យដឹងថា ទូកមួយនេះត្រូវបានបើកដំណើរការក្នុងឆ្នាំ ២០១៩ ខណៈពីរឆ្នាំបន្ទាប់ពីតារាសម្តែងបានបញ្ជាវា។ ទូកមួយនេះមានប្រវែង ៤៧ ម៉ែត្រ ហើយត្រូវបានរចនាឡើងដោយក្រុមហ៊ុន Mulder Design (ហូឡង់) ដែលបានសហការជាមួយក្រុមហ៊ុនផលិតកប៉ាល់ចិន Jinlong ផងដែរ។ ជាពិសេស ទូកក្ដោងដ៏ទំនើបមួយនេះ មានគ្រឿងបរិក្ខារទំនើបៗដូចជា បណ្ណាល័យឯកជន កាប៊ីនភ្ញៀវចំនួនប្រាំមួយ កន្លែងហាត់ប្រាណ និងទូកផ្ទះឯកជនមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យចាប់អារម្មណ៍នោះគឺ នេះ​មិន​មែន​ជា​ទូក​ទេសចរណ៍​ដំបូង​របស់ លោក Jackie Chan នោះទេ ខណៈដែលតារាសម្តែងរូបនេះ បានទិញទូកទំនើបមួយប្រវែង ៣៨ ម៉ែត្រពីក្រុមហ៊ុន Ruiying Yachts ក្នុងឆ្នាំ ២០១៧ ដែលបានមកជាមួយនឹងការបំពាក់គ្រឿងបរិក្ខារ ដូចជា កន្លែងសម្រាកធំទូលាយ បន្ទប់ខារ៉ាអូខេ រោងកុន អាងទឹកក្តៅ និងកន្លែងហាត់ប្រាណ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាចិន