Lisa អាចនឹងចេញពីក្រុម? ខណៈ BLACKPINK ផុតកុងត្រាហើយ YG មិនទាន់ចុះកុងត្រាថ្មីនៅឡើយ

កម្សាន្ត៖​ ជាការពិតណាស់​ ក្រុមចម្រៀង K-Pop ដ៏ល្បីល្បាញ មានហ្វេនគាំទ្រជាច្រើនជុំវិញពិភពលោក BLACKPINK ហាក់មិនមានសកម្មភាពជាក្រុមទៀតនោះទេ ក្រៅពីធ្វើខនសឺត។ ជាពិសេស សមាជិកម្នាក់ៗហាក់មមាញឹកនឹងកិច្ចការងាររៀងៗខ្លួនគួរឲ្យកត់សម្គាល់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យហ្វេនព្រួយបារម្ភនោះគឺ ដល់ថ្ងៃផុតកុងត្រាហើយ ដែលត្រូវនឹងថ្ងៃទី០៨ ខែសីហា ឆ្នាំ២០២៣ នេះតែម្ដង ហើយវាក៏ជាថ្ងៃគម្រប់ខួប ៧ឆ្នាំ នៃការ Debut របស់ BLACKPINK ផងដែរ។ ដោយឡែក ពួកយើងនៅមិនទាន់មានដំណឹងរឿងការបន្ដកុងត្រាជាមួយផលិតកម្មនៅឡើយនោះទេ។

មិនតែប៉ុណ្ណោះ បើយោងតាមសារព័ត៌មាន Soompi បានឲ្យដឹងថា មុនពេលផុតកំណត់នៃកិច្ចសន្យា YG បានពិភាក្សាជាមួយសមាជិកទាំង ៤នាក់ ប៉ុន្តែនៅតែមិនអាចឈានដល់កិច្ចព្រមព្រៀង។ ខណៈពេលដែលសមាជិក Lisa មានភាគរយខ្ពស់ ដែលនាងនឹងចាកចេញពីក្រុម ហើយក្លាយជាតារាចម្រៀងទោលវិញ។

លើសពីនោះ YG បាននឹងកំពុងពិចារណាបន្តកិច្ចសន្យា ខណៈពេលដែលកំពុងសម្របសម្រួលព័ត៌មានលម្អិតជាមួយសមាជិកទាំងបី និងឪពុកម្តាយរបស់ពួកគេ។ ទោះបីយ៉ាងណាក៏ដោយ ក៏ YG នៅតែរក្សាសិទ្ធិដោយនិយាយថា ពួកគេនឹងព្យាយាមយ៉ាងណាដើម្បីបន្ដកុងត្រា៕

ប្រភព៖ Soompi

• រូបភាព
• តារាកូរ៉េ