មិនធ្លាប់គិតថា ខ្លួនស្រឡាញ់ប្រុស មកស្ដាប់រឿងរ៉ាវស្នេហា បុរស២នាក់តស៊ូស្រឡាញ់គ្នា១៨ឆ្នាំ (មានវីដេអូ)

កម្សាន្ត៖ ជាការពិតណាស់ ក្ដីស្រឡាញ់មិនគិតអាយុ ពណ៌សម្បុរ និង ភេទនោះទេ ទោះបីជាអ្នកជាអ្នកណា ជាតិសាសន៍អ្វី ក្ដីស្រឡាញ់នៅតែអាចកើតមានបានគ្រប់គ្នា។ ជាពិសេស ចំពោះអ្នកស្រឡាញ់ភេទដូចគ្នា ដែលត្រូវបានសង្គមរើសអើង ដោយគិតថា មិនសមរម្យឬខុសច្បាប់ធម្មជាតិ ដោយឡែកពួកគេគឺ មានក្ដីស្រឡាញ់ស្មោះស្ម័គ្រចំពោះគ្នាខ្លាំងជាង អ្នកស្រឡាញ់ភេទផ្ទុយមួយចំនួនទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដូចគ្នានេះដែរ រឿងរ៉ាវស្នេហារបស់បុរស២នាក់ ដែលស្រឡាញ់ភេទដូចគ្នា កំពុងតែធ្វើឲ្យមហាជនមានការកោតសរសើរពេញបណ្ដាញសង្គមតាមរយៈវីដេអូរៀបរាប់របស់អ្នកទាំងពីរ។ តាមប្រភពបានឲ្យដឹងថា​ បុរស២រូបនេះ បានតស៊ូរួមរស់នៅជាមួយគ្នាអស់រយៈពេល១៨ឆ្នាំមកហើយ ដោយរស់នៅដោយមានសុភមង្គល តាំងពីឆ្នាំ២០០៥ រហូតមកដល់ឆ្នាំ២០២៣នេះ។

អ្វីដែលគួរឲ្យចាប់អារម្មណ៍ទៀតនោះ បុរសដែលជាអ្នកនិយាយបានប្រាប់ថា តាំងពីដើមមក លោកមិនដែលគិតថា​ ខ្លួនស្រឡាញ់ភេទដូចគ្នាទេ​ ប៉ុន្ដែក្រោយពីជួបបុរសរូបនេះ លោកបែរជាមានអារម្មណ៍ថា អាណិត ស្រឡាញ់ចង់មើលថែ លោកក៏បានស្បត់នៅក្នុងវត្តថា​ លោកនឹងមើលថែស្រឡាញ់គ្នាអស់មួយជីវិត។

បើទោះបីជាអ្នកទាំងពីរត្រូវបានសង្គមរើសអើងយ៉ាងណាក៏ដោយ ក៏ពួកគេនូវតែតស៊ូរួមរស់នៅជាមួយគ្នាតាំងពីចាប់ផ្ដើមដំបូងរហូតដល់១៨ឆ្នាំកន្លងមក។ នេះបានបញ្ជាក់ឲ្យយើងឃើញថា ក្ដីស្រឡាញ់ស្មោះស្ម័គ្រពិតជាមាន មិនថា​អ្នកស្រឡាញ់ភេទដូចគ្នាឬខុសគ្នានោះទេ សូមបញ្ឈប់ការរើសអើង ហើយផ្ដោតលើជីវិតខ្លួនឯង កុំខ្វល់នឹងរឿងជីវិតអ្នកដ៏ទៃ៕

ប្រភព៖ ranutmahathai

ដើម្បីស្ដាប់រឿងរ៉ាវលម្អិតសូមទស្សនាវីដេអូខាងក្រោមនេះ៖

@ranutmahathai

♬ សំឡេងដើម - បងនុត

• ស្នេហា
• វីដេអូ