ពិតណាស់ ផ្លែស្វាយមិនត្រឹមតែមានរសជាតិផ្អែមឆ្ងាញ់ប៉ុណ្ណោះទេ ប៉ុន្តែផ្លែឈើមួយប្រភេទនេះក៏បង្កប់នូវគុណប្រយោជន៍យ៉ាងច្រើនដល់ស្បែករបស់យើងដែរ។ ដើម្បីជួយឲ្យស្បែកភ្លឺថ្លា និងក្មេងជាងវ័យ ក៏ដូចជាជៀសឆ្ងាយពីបញ្ហាស្បែកផ្សេងៗ គ្នាយើងអាចសាកល្បងអនុវត្តន៍រូបមន្តម៉ាសផ្លែស្វាយខាងក្រោមនេះ។
ស្វាយផ្លែផ្តល់គុណប្រយោជន៍អ្វីខ្លះចំពោះស្បែក?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. ផ្តល់សំណើម និងចិញ្ចឹមបំប៉ន
ផ្លែឈើដែលសម្បូរទៅដោយជាតិទឹកខ្ពស់មួយនេះ អាចជួយផ្តល់ជាតិទឹកដល់ស្បែក ហើយវីតាមីនA, C, K និង E ក៏ដូចជាសារធាតុ Beta-carotene ដែលជួយចិញ្ចឹមបំប៉នស្បែកបានយ៉ាងល្អ។
២. ជួយប្រឆាំងភាពចាស់
សារធាតុប្រឆាំងនឹងអុកស៊ីតកម្មនៅក្នុងផ្លែស្វាយ អាចជួយកម្ចាត់រ៉ាឌីកាល់សេរីដែលធ្វើឲ្យស្បែកឆាប់ចាស់ ដោយជួយពន្យឺតស្នាមជ្រីវជ្រួញ និងយារធ្លាក់នៃស្បែក។
៣. ជួយឲ្យស្បែកភ្លឺថ្លា
វីតាមីន C ខ្ពស់នៅក្នុងផ្លែស្វាយ អាចជួយឲ្យស្បែកភ្លឺ និងទន់រលោង ព្រមទាំងជួយកម្ចាត់បញ្ហាស្នាមខ្មៅលើស្បែក និងពណ៌ស្បែកមិនស្មើគ្នា។
៤. ព្យាបាលមុន
ទន្ទឹមនឹងនេះដែរ ផ្លែស្វាយមានផ្ទុកសារធាតុប្រឆាំងនឹងការរលាក ដែលជួយកាត់បន្ថយការរលាក និងស្បែកក្រហមដោយសារការកើតមុន។ លើសពីនេះ ផ្លែស្វាយក៏ផ្ទុកអង់ស៊ីមដែលជួយកម្ចាត់កោសិកាស្បែកងាប់ និងការស្ទះរន្ធរោមផងដែរ។
៥. បង្កើនការផលិតខូឡាជែន
ជាមួយគ្នានេះដែរ វីតាមីនA នៅក្នុងផ្លែស្វាយ អាចជួយទ្រទ្រង់ការផលិតជាតិខូឡាជែន ដែលមានសារៈសំខាន់ក្នុងការរក្សាភាពយឺតនៃស្បែក និងបញ្ចៀសបញ្ហាស្បែកយារធ្លាក់។
រូបមន្តម៉ាសផ្លែស្វាយធម្មជាតិដែលគ្នាយើងអាចអនុវត្តន៍បាន
១. ម៉ាសផ្លែស្វាយ និងទឹកឃ្មុំ
គ្រឿងផ្សំ៖
- សាច់ផ្លែស្វាយទុំ២ស្លាបព្រាបាយ
- ទឹកឃ្មុំ១ស្លាបព្រាបាយ
វិធីធ្វើ៖
- លាយសាច់ស្វាយទុំ ជាមួយនឹងទឹកឃ្មុំដោយកូរឲ្យសព្វល្អ
- លាបនៅលើផ្ទៃមុខ និងក រួចទុកចោលរយៈពេល១៥នាទី មុនពេលលាងជម្រះចេញ។
២. ម៉ាសផ្លែស្វាយ និងរមៀត
គ្រឿងផ្សំ៖
- សាច់ផ្លែស្វាយទុំ២ស្លាបព្រាបាយ
- ម្សៅរមៀតកន្លះស្លាបព្រាបាយ
- ប្រេងអាល់ម៉ុន១ស្លាបព្រាបាយ
វិធីធ្វើ៖
- លាយសាច់ស្វាយទុំ ជាមួយនឹងម្សៅរមៀត និងប្រេងអាល់ម៉ុនដោយកូរឲ្យសព្វល្អ
- លាបនៅលើផ្ទៃមុខ និងក រួចទុកចោលរយៈពេល១៥នាទី មុនពេលលាងជម្រះចេញ។
គ្នាយើងអាចអនុវត្តន៍រូបមន្តធម្មជាតិទាំង២មុខនេះ ចំនួន២ ទៅ៣ដងក្នុងមួយសប្តាហ៍ ដើម្បីទទួលបានស្បែកភ្លឺថ្លា និងក្មេងជាងវ័យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
