ចិត្តចង់រៀបការ តែខាងប្រុសមិនទាន់សុំរៀបការ? សាកល្បងឲ្យតម្រុយគេតាមវិធីទាំងនេះ!​

ស្នេហា៖ ជាធម្មតាទេដែល គូស្នេហ៍ស្រលាញ់គ្នាល្អូកល្អឺន តែងតែចង់ចាប់ដៃគ្នាកសាងគ្រួសារ ដោយអ្នកខ្លះយល់ថាទាក់ទងគ្នាយូរមកហើយ ល្មមដល់ពេលគិតគូចូលរោងជ័យ ឯគូស្នេហ៍ខ្លះទៀតទើបតែបានចួបគ្នាមែនតែមានអារម្មណ៍ថា ម្នាក់នេះហើយជាមនុស្សចុងក្រោយ មនុស្សដែលអ្នកជ្រើសរើសជាគូជីវិត។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ពេលខ្លះអ្នកចង់រៀបការណាស់ តែភាគីខាងប្រុសដូចជាមិនទាន់មានគម្រោងចង់សុំអ្នករៀបការសោះ ដូច្នេះអ្នកអាចសាកល្បងប្រើប្រាស់វិធីសាស្ត្រអស់ទាំងនេះបាន៖

១.និយាយពីផែនការអនាគត

ដើម្បីឲ្យតម្រុយថាអ្នកចង់រៀបការជាមួយគេ គឺទាល់តែអ្នកត្រូវបង្ហើបពីផែនការអនាគតដល់គេសិន ដើម្បីឲ្យគេដឹងថា អ្នកគិតគូលើរឿងអនាគតជាមួយគេ។ អ្នកអាចបង្ហើបពីម៉ូតផ្ទះដែលអ្នកចង់បាន , សាលាណាដែលអ្នកចង់ឲ្យកូនអ្នកចង់ទៅរៀន ឬទាក់ទងនឹងកត្តាហិរញ្ញវត្ថុ។ អ្នកក៏អាចបង្ហើបប្រាប់គេថាអ្នកចង់មានថ្ងៃអាចស្លៀកឈុតកូនក្រមុំស្អាតៗផងដែរ។​

២. និយាយពីទំនាក់ទំនងរវាងអ្នកនិងគេ

អ្នកត្រូវឧស្សាហ៍និយាយថាអ្នកពិតជារីករាយណាស់ អ្នកពិតជាកក់ក្ដៅណាស់ ពេលនៅជាមួយគេ ហើយអ្នកមានអារម្មណ៍ថាគេជាបុរសល្អ អាចពឹងពាក់ អាចផ្ញើជីវិតទៅលើបាន។ អ្នកអាចសាកល្បងបង្ហើបពីក្ដីស្រមៃពួកគេរស់នៅជាមួយគ្នានាពេលអនាគត។​

៣. បង្ហើបឲ្យគេដឹងថា អ្នកនឹងនិយាយថា "ខ្ញុំយល់ព្រម"

ជួនកាល គូស្នេហ៍របស់អ្នកមិនទាន់ចង់សុំអ្នករៀបការ ព្រោះលួចគិតថាគេមិនទាន់ល្អគ្រប់គ្រាន់ មិនទាន់មានលំនឹងគ្រប់គ្រាន់ ទើបខ្លាចសុំទៅ ត្រូវអ្នកបដិសេធ ដូច្នេះអ្វីដែលអ្នកគួរធ្វើគឺត្រូវបង្ហើបៗថា បើគេសុំអ្នករៀបការមែន អ្នកនឹងឆ្លើយយល់ព្រមភ្លាម មិនស្ទាក់ស្ទើរទេ។​

៤. រក្សាទំនាក់ទំនងឲ្យផ្អែមល្ហែមដូចគ្រាដំបូង

ដើម្បីឲ្យបុរសម្នាក់ជ្រើសរើសយើងជាគូជីវិត នារីយើងត្រូវរក្សាចរិតឫកពាដូចកាលពីទាក់ទងគ្នាដំបូង ធ្លាប់ធ្វើបែបណាដាក់គេគឺនៅតែបន្តធ្វើបែបហ្នឹង។ អ្នកត្រូវរក្សាទំនាក់ទំនងឲ្យបានល្អ ទៅដើរលេង មើលកុន ជាមួយគ្នាដូចកាលពីមុន។ អ្នកត្រូវបង្ហាញចេញថាគេសំខាន់ចំពោះអ្នក។​

៥. ចាប់ផ្ដើមនិយាយពីគ្រឿងអលង្ការ និងការរៀបចំពិធីអាពាហ៍ពិពាហ៍

ឥឡូវនេះគូស្នេហ៍ជាច្រើននិយមទាក់ទងគ្នាតាម Facebook ដែលជាបណ្ដាញសង្គមមួយដ៏ល្បីល្បាញ ដូច្នេះអ្នកអាចឲ្យតម្រុយគេដោយ Share (ចែករំលែក) ការបង្ហោះទាក់ទងនឹង ការរៀបចំពិធីអាពាហ៍ពិពាហ៍, ម៉ូតចិញ្ចៀន, ទីតាំងរៀបចំពិធី, សំលៀកបំពាក់ក្នុងពិធី... ជាដើម។​

៦. សុំឲ្យមិត្តភក្តិជួយជ្រោមជ្រែង

បើសិនជាអ្នកស្គាល់មិត្តភក្តិរបស់គេបែបស្និទ្ធស្នាលដែរ អ្នកអាចសាកល្បងនិយាយត្រង់ៗជាមួយមិត្តភក្តិគេ ដើម្បីឲ្យគេជួយបង្ហើបដល់ដៃគូរបស់អ្នក ទាក់ទងនឹងរឿងរៀបការ តែអ្នកត្រូវប្រុងប្រយ័ត្នមុនពេលនិយាយ ព្រោះមិត្តខ្លះអាចនាំទុក្ខមកដល់ទំនាក់ទំនងរបស់អ្នកទាំងពីរ។​

៧. ទៅដើរលេងជាមួយគ្នា

បើអ្នកនិងគូស្នេហ៍មានពេលវេលាត្រូវគ្នា អ្នកទាំងពីរអាចនឹងទៅដើរលេងជាមួយគ្នា នៅទីណាមួយដ៏រ៉ូមេនទិកដូចជាឆ្នេរសមុទ្រ ព្រោះជួនកាលបរិយាកាសបែបនេះ អាចជាគ្រឿងជម្រុញទឹកចិត្តដល់បុរសឲ្យសុំគូស្នេហ៍ពួកគេរៀបការ៕

ប្រភព៖: estatediamondjewelry

• យុវវ័យ
• ស្នេហា