ទិដ្ឋភាពភ្លើងឆេះព្រៃនៅ Hawaii គួរឲ្យរន្ធត់ ទាំងមនុស្សទាំងសត្វត្រូវបាត់បង់ជីវិត

អន្តរជាតិ៖ កាលពីថ្មីៗនេះ នៅលើកោះ Maui នៃរដ្ខហាវ៉ៃ សហរដ្ឋអាមេរិក មានហេតុការណ៍ភ្លើងឆេះព្រៃ ដែលបណ្ដាលមកពីអាកាសធាតុក្ដៅខ្លាំង។ ចំពោះហេតុការណ៍ដែលបានកើតឡើងចំពោះទីក្រុងនៅលើកោះ Maui មានមនុស្សរស់នៅសរុបជាង ១៦៥,០០០នាក់ ដែលស្ថិតនៅកណ្តាលមហាសាគរប៉ាស៊ីហ្វិកនោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គិតត្រឹមថ្ងៃទី១២ ខែសីហា ឆ្នាំ២០២៣នេះ មនុស្សសរុប ៨០នាក់ហើយត្រូវបានគេអះអាងថា បាត់បង់ជីវិត ខណៈសត្វចិញ្ចឹមជាច្រើនដូចជា ឆ្កែ ឆ្មា និងសត្វបក្សីជាច្រើនប្រភេទទៀតផងដែរ ត្រូវបានប្រទះឃើញងា>ប់ ដោយសារភ្លើងឆេះព្រៃដុតបំផ្លាញទីក្រុង និងផ្សែងពុលយ៉ាងខ្មួលខ្មាញ់អស់រយៈពេល៤ថ្ងៃមកនេះ។

គួរបញ្ជាក់ថា អាកាសធាតុរាំងស្ងួត និងខ្យល់ក្តៅបោកបក់មិនឈប់ ដែលជាឥទ្ធិពលនៃបាតុភូត El Nino ទៅលើប្រជុំកោះ Hawaii នោះហើយ គឺជាកត្តាជំរុញឲ្យមានភ្លើងឆេះព្រៃ និងរីករាដាលដល់ទីប្រជុំជននៅលើកោះភ្នំភ្លើង Maui ដែលជាកោះធំទី ២ បន្ទាប់ពី Hawaii៕

ប្រភព៖ Cambo Space

• ធម្មជាតិ
• អាកាសធាតុ
• រូបភាព