ហានិភ័យ​ ត្រីប្រភេទនេះ មិនគួរនាំចូលកម្ពុជាទេ ខណៈប្រទេសជិតខាង ដាក់ច្បាប់ហាមចិញ្ចឹម

សង្គម៖ ថ្មីៗនេះ មហាជនកំពុងតែមានការព្រួយបារម្ភ ពាក់ព័ន្ធការយកត្រីមួយប្រភេទនាំចូលមកកម្ពុជា ដែលវាអាចធ្វើឲ្យមានហានិភ័យខ្ពស់ទៅដល់បរិស្ថាន។ បើយោងទៅតាមប្រភពព័ត៌មាន បានឲ្យដឹងថា ត្រី Piranha ជាប្រភេទត្រីដែលមានធ្មេញមុតស្រួត មិនត្រឹមតែវាខាំមនុស្សនោះទេ វាក៏អាចធ្វើឲ្យប៉ះពាល់យ៉ាងធ្ងន់ធ្ងរដល់ធម្មជាតិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភពបានប្រាប់ឲ្យដឹងថា ត្រី Piranha នេះ ពុំគួរនាំចូលមកកម្ពុជាទេ ព្រោះវាជាប្រភេទសត្វដែលអាចបន្ស៊ាំខ្លួនរបស់នៅក្នុងមជ្ឈដ្ឋានធម្មជាតិកម្ពុជាបានយ៉ាងងាយស្រួល។ ប្រសិនបើត្រីនេះត្រូវបានបោះបង់ឬរួចទៅក្នុងមជ្ឈដ្ឋានធម្មជាតិនោះយើងនឹងជួបវិនាសកម្មនៃប្រព័ន្ធអេកូឡូស៊ី យើងមិនសំដៅលើត្រីនេះដេញខាំមនុស្សទេ តែយើងកំពុងសំដៅលើ លទ្ធភាពនៃការបង្ករកំណើតនៃសត្វប្រភេទនេះ និង ភាពស្រដៀងគ្នានៃមជ្ឈដ្ឋានរស់នៅ នឹងធ្វើអោយសត្វនេះកើនឡើងយ៉ាងឆាប់រហ័ស បំផ្លិចបំផ្លាញប្រព័ន្ធអេកូឡូស៊ី ធនធានធម្មជាតិរបស់យើង។

នៅប្រទេសថៃ ការនាំចូល ឬ ការចិញ្ចឹមត្រីប្រភេទនេះត្រូវផាកពិន័យ ចាប់ពី ១៥លានរៀលឡើងទៅ ឬ ជាប់ពន្ធនាគារ៦ខែ ឬ ទាំងផាកពិន័យ ទាំងជាប់ពន្ធនាគារ។ ដោយឡែកនៅប្រទេសវៀតណាមមានការហាមឃាត់តាំងពីឆ្នាំ១៩៩៨ តែនៅតែមានអ្នកលួចចិញ្ចឹមធ្វើជាអាហារ តាមដងទន្លេមេគង្គផ្នែកខាងក្រោម៕

ប្រភព៖ បុរាណាចារ្យ

• រូបភាព