ទទួលទានគ្រឿងស្រវឹ»_ងជ្រុល? សាកល្បងវិធីសាស្ត្រទាំងនេះដើម្បីជួយឲ្យស្វាងជាងមុន

យល់ដឹង៖ សុរាជាគ្រឿងស្រវឹងដ៏ពេញនិយមមួយក្នុងស្រទាប់ប្រជាជនខ្មែរ មិនថាតែតាមពិធីជប់លៀង តាមក្លឹបកម្សាន្ត ឬតាមពិធីលាងភោជនាហារទេ គឺសុទ្ធសឹងតែមានបម្រើគ្រឿងស្រវឹង។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ការពិសាគ្រឿងស្រវឹងមិនបានផ្ដល់ផលល្អចំពោះសុខភាពទេ ហើយក៏បណ្ដាលឲ្យអ្នកមានគ្រោះថ្នាក់ដល់អាយុជីវិតផងដែរជាពិសេសបើបើកបរទាំងស្ថានភាពស្រវឹង ក៏ប៉ុន្តែមានករណីខ្លះដែលអ្នកទទួលទានវាហួសកំណត់ និងចង់បន្សាបជាតិសុរាខ្លះៗជួយឲ្យអ្នកមានអារម្មណ៍ប្រសើរជាងមុន។​

ការពិតទៅ បើយើងចង់បន្សាបគ្រឿងស្រវឹងចេញពីរាងកាយអស់តែម្ដងគឺវាមិនអាចទៅរួចទេព្រោះ ថ្លើមរបស់មនុស្សម្នាក់ៗត្រូវការប្រើពេលច្រោះជាតិសុរាចេញពីរាងកាយ។​

ដោយឡែក ក៏មានវិធីសាស្ត្រខ្លះៗខាងក្រោមនេះ អាចជួយឲ្យអ្នករាងស្វាងជាងមុនផងដែរ៖

១. ទទួលទានកាហ្វេ

កាហ្វេមិនអាចជួយបន្សាបជាតិសុរាចេញពីរាងកាយអ្នកទេ តែអាចជួយឲ្យស្មារតីអ្នកនឹងនជាងមុន។ បើអ្នកមានអារម្មណ៍ថាខ្លួនឯងស្រវឹងខ្លាំង រហូតដល់ថ្នាក់ពិបាកក្នុងការផ្លាស់ទីគប្បីផឹកកាហ្វេឲ្យស្រឡះមុខជាងមុន។​

២. ងូតទឹកត្រជាក់ៗ

ការងូតទឹកត្រជាក់ៗ អាចជួយឲ្យអ្នកមានស្មារតីត្រឡប់មកវិញ ប៉ុន្តែអ្នកខ្លះ មិនអាចងូតទឹកត្រជាក់បានទេ ដោយអាចនឹងសន្លប់ ដូច្នេះអ្នកត្រូវប្រុងប្រយ័ត្នឲ្យមែនទែនមុនសម្រេចចិត្តថាងូតទឹកត្រជាក់ៗ។​

៣. ញ៉ាំនិងផឹកទឹក

អ្នកគួរញ៉ាំអាហារមុនពេល អំឡុងពេល និងក្រោ​យពេលទទួលទានគ្រឿងស្រវឹង ដែលវាធ្វើឲ្យជាតិសុរាមិនសូវជ្រាបចូលសរសៃឈាមលឿន។ ការផឹកទឹកក៏អាចជួយឲ្យអ្នករក្សាលំនឹងជាតិទឹកក្នុងខ្លួន និងកម្ចាត់ជាតិពុលពីក្នុងខ្លួនផងដែរ។​

៤. គេង

ការគេងជារឿងចាំបាច់មួយ បើសិនជាអ្នកស្រវឹងជោកខ្លាំងពេកហើយវាក៏អាចជួសជុលរាងកាយរបស់អ្នកអំឡុងពេលអ្នកគេងផងដែរ និងថែមទាំងជួយឲ្យរាងកាយកម្ចាត់ជាតិសុរាចេញបានឆាប់រហ័សផងដែរ។

៥. ហាត់ប្រាណ

ការហាត់ប្រាណធ្វើឲ្យស្មារតីរបស់អ្នកស្វាងនិងនឹងនជាងមុន ប៉ុន្តែមិនទាន់មានភ័ស្តុតាងណាច្បាស់លាស់បញ្ជាក់ថា ការហាត់ប្រាណអាចជួយបន្សាបជាតិសុរាចេញពីរាងកាយបានយ៉ាងឆាប់រហ័សនោះឡើយ៕

ប្រភព៖: medicalnewstoday

• ជីវិត
• មេរៀនជីវិត