ជិតគ្រប់ខែ ហ្វេនសឹងមើលមិនដឹងថាពពោះ បើ ម៉ៃយ៉ា លេងខ្លួនស្ទាយ៍ហឹរយ៉ាងនេះ

កម្សាន្ត៖ ជាការពិតណាស់ ប្រិយមិត្តច្បាស់ជាដឹងហើយថា តារាសម្ដែងស្រី ដ៏មានប្រជាប្រិយភាព ម៉ៃយ៉ា កំពុងតែពពោះកូនដំបូង។ ជាពិសេស បើទោះបីជាពពោះយ៉ាងណាក្ដី គេឃើញ តារាស្រីរូបនេះ នៅតែមមាញឹកនឹងការងារសិល្បៈរបស់ខ្លួនដដែល។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ តារាស្រីកូនកាត់ អាល្លឺម៉ង់រូបនេះ បានធ្វើឲ្យមហាជនចាប់អារម្មណ៍ជាមួយនឹងរូបភាពប៉ុន្មានសន្លឹកដ៏ស្រស់ស្អាតរបស់ខ្លួន។ អ្វីដែលធ្វើឲ្យមហាជនចាប់អារម្មណ៍ទៀតនោះ ម៉ៃយ៉ា បានបង្ហោះរូបប៉ុន្មានសន្លឹក ក្នុងឈុតខ្មៅ មើលសឹងមិនដឹងថានាងកំពុងពពោះ៨ខែ។ 

នៅក្នុងនោះ តារាស្រីរូបស្រស់ បានស្លៀកពាក់ឈុត ពណ៌ខ្មៅ ​ជាមួយនឹងអាវក្រៅក៏ ពណ៌ខ្មៅទៀត ទាក់ទាញមែនទែន។ មិនតែប៉ុណ្ណោះ បើក្រឡេកមើលការផាត់មុខវិញ ម៉ៃយ៉ា តែងមុខបែបកាចៗ ត្របកភ្នែកពណ៌ខ្មៅ រីឯបបូមាត់វិញ លេបក្រេមពណ៌ខ្មៅ តែងខ្លួនស្ទាវមិនធម្មតានោះទេ៕

ប្រភព៖ Oun Ya Angel

• ម៉ៃយ៉ា
• រូបភាព
• តារាខ្មែរ