មិនបាច់ថតរឿងក៏បាន គ្រាន់តែចុះកិច្ចសន្យាថ្មី Aum រកបានជាងកន្លះលានដុល្លារ

ថៃ៖ សម្រាប់តារាស្រី Aum Patchrapa នៅតែមានល្បីល្បាញ និងស្ថិតក្នុងអារម្មណ៍របស់ហ្វេនៗជាច្រើន ព្រមទាំងបានចាប់អារម្មណ៍យ៉ាងខ្លាំង ទៅលើសកម្មភាពប្រចាំថ្ងៃរបស់តារាស្រី បើទោះបីជាបច្ចុប្បន្ន ​ការងារសិល្បៈរបស់នាង ​ត្រូវ​បាន​កាត់​បន្ថយខ្លះក៏ដោយ។

យ៉ាងណាមិញ ថ្មីៗនេះវិញ តារាស្រីរូបនេះ បានធ្វើឱ្យអ្នកលេងបណ្ដាញសង្គមជាច្រើន ផ្ទុះការចាប់អារម្មណ៍សាជាថ្មី  បន្ទាប់ពី មានការទម្លាយពីកិច្ចសន្យារបស់នាង ដោយបានបង្ហើបថា ប៉ុស្ដិ៍លេខ ៧ នឹងចេញកិច្ចសន្យាឱ្យ តារាស្រី Aum ក្នុងតម្លៃរហូតដល់ ២០ លានបាត(ប្រហែល ៥៦ម៉ឺនដុល្លារ) ក្នុងមួយឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលសំខាន់នោះ ជាមួយនឹងតម្លៃយ៉ាងច្រើនបែបនេះ តារាស្រី Aum ថែមទាំងទទួលបានសិទ្ធិពិសេស និងលក្ខខណ្ឌផ្សេងៗ ដូចជា ធ្វើជាឯកអគ្គរដ្ឋទូត​របស់​ប៉ុស្តិ៍​លេខ​៧ ដែល​ចុះ​កិច្ចសន្យា​ជាង​២០​លាន​បាតនេះ ​ធ្វើសកម្មភាពលើគម្របប្រតិទិនឆានែលជារៀងរាល់ឆ្នាំ មិនចាំបាច់សម្ដែងរឿង មិនចាំបាច់ចេញមុខលើប៉ុស្តិ៍ទូរទស្សន៍ អាចជ្រើសរើសតួឯកប្រុសដោយខ្លួនឯង និងអាចជ្រើសរើសអ្នករៀបចំក្រុម តាមដែលអ្នកចូលចិត្ត ដោយខ្លួនឯងបាន៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ