ភ្នំពេញ៖ កាលពីថ្ងៃទី ១៨ ខែសីហា ឆ្នាំ២០២៣ ក្រុមហ៊ុន THH Import Export Co., Ltd បានប្រារព្ធកម្មវិធីសម្ពោធលក់ជាផ្លូវការរថយន្ត GAC EMKOO (ជី អេ ស៊ី អ៊ឹមឃូ) ដែលជារថយន្តម៉ូដែលថ្មីរបស់ GAC MOTOR ដែលរចនាលំនាំតាមរថយន្តបែបវិទ្យាសាស្ត្រ។
សូមជម្រាបជូនផងដែរថា ក្រុមហ៊ុន THH Import Export Co., Ltd គឺជាក្រុមហ៊ុនបុត្រសម្ព័ន្ធរបស់ក្រុមហ៊ុន TH Group ដែលជាក្រុមហ៊ុនក្នុងស្រុក និងទទួលសិទ្ធិចែកចាយលក់រថយន្ត និងគ្រឿងបន្លាស់រថយន្តម៉ាក GAC ផ្តាច់មុខតែមួយគត់ក្នុងព្រះរាជាណាចក្រកម្ពុជា ពីក្រុមហ៊ុន GAC Motor ដែលជាក្រុមហ៊ុនផលិតរថយន្តដ៏ធំមួយរបស់ប្រទេសចិន។
ដោយសង្កេតឃើញថារថយន្ត GAC ទទួលបានការគាំទ្រយ៉ាងច្រើនពីសំណាក់អតិថិជន ក្រុមហ៊ុនបានសម្រេចចិត្តនាំចូលរថយន្តថ្មីមួយម៉ូដែលទៀត ដែលជារថយន្តប្រភេទ SUV ទំនើបបែបអនាគតគឺ GAC EMKOO (ជី អេ ស៊ី អ៊ឹមឃូ) ដើម្បីបំពេញតម្រូវការរបស់អតិថិជននៅក្នុងទីផ្សារប្រទេសកម្ពុជា។
ក្រឡេកមកមើលលក្ខណៈពិសេសរបស់រថយន្ត EMKOO ជាប្រភេទរថយន្ត SUV ខ្នាតតូចបែបស្ព័រ ដែលមានការរចនាឡើងជាមួយរូបរាងថ្មីប្លែក លំនាំតាមរថយន្តបែបវិទ្យាសាស្ត្រ (Sci-Fi Designed Concept) សក្តិសមបំផុតសម្រាប់អ្នកបើកបរជំនាន់ថ្មី។ ការរចនាផ្នែកខាងមុខគឺស្រដៀងទៅនឹងរថយន្តអគ្គីសនី ជាមួយប៉ាណាបញ្ឈរចំនួន ១២ រាង្គជាអក្សរ "V" ដែលមានន័យថា "ជ័យជំនះ" ភ្ជាប់ជាមួយការរចនាចង្កៀងមុខ ដែល GAC ឲ្យឈ្មោះថា Eye of Enlightenment ដែលផ្តល់នូវភាពទាក់ទាញ និងឧត្តមភាពនៅពេលបើកបរ។ ជាមួយដៃទ្វារបង្កប់ប្រភេទ Electronic Flush Door និងកង់អាលុយម៉ីញ៉ូមទំហំ ១៩ អ៉ីង។ ងាកមកមើលផ្នែកខាងក្រោយ កាន់តែលេចធ្លោ ជាមួយការរចនាភ្លើងក្រោយរាង្គអក្សរ "X" និងបំពាក់បំពង់ស៊ីម៉ាំងភ្លោះបែបស្ព័រ។
រថយន្ត EMKOO ត្រូវបានផលិតនៅលើគ្រោងតួសកល GPMA (GAC Global Platform Modular Architecture) ដែលមានលក្ខណៈ ធន់ រឹងមាំ សន្សំសំចៃ និងផ្តល់នូវគុណភាពខ្ពស់ក្នុងការបើកបរ។ វាបានបំពាក់ម៉ាស៊ីនសាំងស៊េរីថ្មី ដែល GAC ឲ្យឈ្មោះថា Mega Wave Power ទំហំ 1.5T GDI ផលិតកម្លាំងបាន 177 Hp និងកម្លាំងរមួល 270 Nm ភ្ជាប់ជាមួយប្រអប់លេខ ០៧ វគ្គអូតូ (7WDCT) ប្រភេទ Wet Dual Clutch Transmission អាចបង្កើនល្បឿនពីចំណុច ០ ទៅ ១០០ ក្នុងរយៈពេលត្រឹម ៨.៨ វិនាទីប៉ុណ្ណោះ ព្រមទាំងកម្រិតស៊ីប្រេងស្តង់ដារ ត្រឹមតែ ៦.៤ លីត្រ/១០០ គីឡូម៉ែត្រ។
នៅផ្នែកខាងក្នុងវិញ EMKOO ផ្តល់នូវផាសុកភាពខ្ពស់ ជាមួយកៅអីស្បែកដែលត្រូវបានជ្រើសរើសយ៉ាងយកចិត្តទុកដាក់ និងដេរដោយដៃផ្ទាល់ ដើម្បីផ្តល់នូវបទពិសោធន៍ដ៏អស្ចារ្យ និងប្រណីតភាព។ ចំពោះលក្ខណៈសម្បត្តិទូទៅរួមមាន៖
- បំពាក់មកនូវកុងទ័រប្រភេទ LCD ទំហំ 7 អ៊ីង
- អេក្រង់ Touch Screen ទំហំ ១០.១ អ៊ីង មានភ្ជាប់ Apple CarPlay និង Android Auto
- កៅអីប្រភេទអូតូ និងមុខងារត្រជាក់នៅជួរខាងមុខ
- ភ្លើង Ambient Lights
- ដំបូលប្រភេទ Glass Roof
ព្រមទាំងបំពាក់មកជាមួយបច្ចេកវិទ្យាឆ្លាតវៃដូចជា៖
- ប្រព័ន្ធកំណត់ល្បឿនថេរតាមយានយន្តខាងមុខ (Adaptive Cruise Control)
- ប្រព័ន្ធផ្តល់សញ្ញាពេលមានឧបសគ្គនៅខាងមុខ (Forward Collision Warning)
- ប្រព័ន្ធហ្វ្រាំងបន្ទាន់អូតូ (Autonomous Emergency Braking)
- ប្រព័ន្ធរក្សាឡានឲ្យនៅក្នុងគន្លងត្រឹមត្រូវ (Lane Keeping Assist)
- ប្រព័ន្ធជំនួយពេលកកស្ទះចរាចរ (Traffic Jam Assist)
ចំពោះតួរថយន្ត EMKOO វាជាប្រភេទ SUV ខ្នាតកណ្តាលដែលមានទំហំធំទូលាយ វាមានបណ្តោយរហូតដល់ ៤,៦៨០mm ទទឹង ១,៩០១mm កំពស់ ១,៦៧០mm និងគម្លាតពីអ័ក្សកង់មុខទៅអ័ក្សកង់ក្រោយរហូតដល់ ២.៧៥០mm ដែលផ្តល់នូវលំនឹងបានល្អនៅពេលបើកបរ។ អ្វីដែលកាន់តែពិសេសសម្រាប់រថយន្តម៉ូឌែល EMKOO ស៊េរីថ្មីនេះ មានជម្រើសរហូតដល់ទៅ ៥ ពណ៌ រួមមាន បៃតង ខ្មៅ ប្រាក់ ប្រផេះ និង ស។
អ្វីដែលមិននឹកស្មានដល់នោះចំពោះរថយន្តម៉ូដែល EMKOO ដែលបំពាក់សុទ្ធតែប្រព័ន្ធឌីជីថល និងគ្រឿងបរិក្ខាគ្រប់សព្វ (Full Options) នេះ មានតម្លៃពិសេសត្រឹមតែ ៣៩,៩៩៩ ដុល្លារ តែប៉ុណ្ណោះ និងទទួលបានការផ្តល់ជូនការធានារយៈពេលវែងរហូតដល់ ៥ ឆ្នាំ ឬ ១៥០,០០០ គីឡូម៉ែត្រ ពីរោងចក្រផ្ទាល់ និងទទួលបានការថែទាំឥតគិតថ្លៃរយៈពេល ១ ឆ្នាំ ឬ ២០, ០០០ គីឡូម៉ែត្រ ផងដែរ។
ព័ត៌មានលម្អិត សូមទំនាក់ទំនងមកផ្នែកលក់ផ្ទាល់៖ ០៩៥ ៩៩៩ ០២៩/ ០៩៥ ៩៩៩ ២៦៨ ឬ អញ្ជើញមកអគារតាំងបង្ហាញលក់រថយន្ត: អគារ #១១ មហាវិថីសហព័ន្ធរុស្សី សង្កាត់កាកាប ខណ្ឌពោធិ៍សែនជ័យ ក្រុងភ្នំពេញ (ខាងកើតផ្សារពោធិ៍ចិនតុងប្រហែល ១០០ ម៉ែត្រ)៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
