ហ្វេននាំគ្នាស្ដាយ Koy Anna មិនទទួលបានមកុដ Miss Grand កម្ពុជា

កម្សាន្ត​៖ ប្រិយមិត្តច្បាស់ជាដឹងហើយថា ម្ចាស់មកុដគ្រងតំណែង Miss Grand Cambodia ឆ្នាំ២០២៣នេះ គឺបានទៅលើ បវរកញ្ញា Phoem Sreyno គេស្គាល់ថា ​Nano ចំណែកឯលំដាប់រងទី១ គឺបានទៅលើបវរកញ្ញាតំណាងខេត្តក្រចេះ Koy Anna។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ មហាជនដែលគាំទ្របវរកញ្ញា Anna បានចូលរួមត្រេកអរ ក៏ដូចជាសោកស្ដាយបន្ដិចផងដែរ ដែលនាងមិនមែនជាម្ចាស់មកុដឈានជើងឡើងទៅប្រកួតលើឆាកអន្តរជាតិ។ ទន្ទឹមនឹងនោះ បវរកញ្ញា ខេត្តក្រចេះ រូបនេះ មានសមត្ថភាពមិនចាញ់ម្ចាស់មកុដនោះទេ មិនត្រឹមតែរូបសម្បត្តិស្អាតឥតខ្ចោះ ទេពកោសល្យនាងក៏លេចធ្លោរផងដែរ។

ជាពិសេស Anna ត្រូវបានមហាជនជាច្រើន រំពឹងថា នាងនឹងក្លាយជាម្ចាស់មកុដនៅឆ្នាំនេះ ដោយឡែកនាងទទួលបានលំដាប់រងទី១។ បើទោះបីជាយ៉ាងក៏ដោយ បវរកញ្ញារូបនេះ ទទួលបានការស្រឡាញ់គាំទ្រយ៉ាងខ្លាំងក្លាពីសំណាក់មហាជន ដែលគេសង្ឃឹមថា Anna សាកសមនឹងប្រកួតយកមកុដម្ដងទៀត៕

• រូបភាព
• តារាខ្មែរ