មិនដែលលាក់ហ្វេន! មុននេះ Chompoo បង្ហាញផ្ទះរបស់ខ្លួនយ៉ាងប្រណីត

ថៃ៖ អាចនិយាយបានថា ជាមួយនឹងភាពល្បីល្បាញនៅក្នុងវិស័យសិល្បៈ បានធ្វើឲ្យហ្វេនៗជាច្រើន កាន់តែយកចិត្តទុកដាក់ចំពោះរឿងរ៉ាវរបស់តារាស្រី Chompoo Araya ជាពិសេស មិនត្រឹមតែរឿងការងារខាងក្រៅនោះទេ ខណៈសូម្បីសកម្មភាពក្នុងគ្រួសារ ក៏ត្រូវបានមហាជនចាប់អារម្មណ៍មិនចាញ់គ្នានោះឡើយ។ 

ដោយឡែក ថ្មីៗនេះ តារាស្រី Chompoo បានធ្វើឲ្យអ្នកគាំទ្រ ភ្ញាក់ផ្អើលទៅនឹងការបើកបង្ហាញផ្ទះថ្មី ដែលផ្ទះមួយនេះ ត្រូវបានគេដឹងថា បានសាងសង់ឡើង តាំងពីសម័យកូវីដ និងកំពុងដំណើរការតុបតែង។ ហើយពេលនេះដែរ រូបនាង ក៏បានចេញមកបង្ហាញឲ្យឃើញយ៉ាងច្បាស់ៗ ពីទិដ្ឋភាពផ្ទះ ដ៏ស្រស់​ស្អាត​មួយនេះ ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ ផ្ទះរបស់ តារាស្រីរូបនេះ មានការរៀបចំយ៉ាងល្អ ខណៈនៅ​ខាង​ក្រៅ​ផ្ទះ មានការដើម​ឈើ​ ស្រះត្រី និងអាងហែលទឹកមួយដែលមានតុក្កតា Alex Face មានតម្លៃរាប់លានបាត។ ជាពិសេស ផ្ទៃដីនៃផ្ទះ គឺប្រហែលមួយរយម៉ែត្រការ៉េ និងមានតុបតែងយ៉ាងស្រស់ស្អាតនៅគ្រប់ជ្រុងទាំងអស់។ ខណៈនៅក្នុងផ្ទះ មានការតុបតែង ដោយគ្រឿង​សង្ហារិមប្រណីត ចង្រ្កាន​បាយ តុ​បរិភោគ​អាហារ ជួយឲ្យសោភ័ណភាពក្នុងផ្ទះ កាន់តែស្រស់ស្អាត ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ