ឃើញនៅជិតដៃពេក V ត្រូវហ្វេនម្នាក់ប៉ះសក់បានពេញៗដៃ (មានវីដេអូ)

កម្សាន្ត៖ កាលពីប៉ុន្មានថ្ងៃកន្លងទៅនេះ តារាចម្រៀងកូរ៉េដ៏ល្បីល្បាញ Taehyung ឬ​ V នៃសមាជិកក្រុម BTS បានធ្វើដំណើរទៅកាន់ប្រទេសជប៉ុន ដើម្បីបង្ហាញខ្លួននៅក្នុងហាងប្រ៊េនម៉ាក Celine។ ជាពិសេស លោកបានទៅកាន់ហាងនោះនៅក្នុងកណ្ដាលទីក្រុង Tokyo ធ្វើឲ្យមានអ្នកគាំទ្រទៅចាំទទួលយ៉ាងច្រើនកុះករ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យអ្នកគាំទ្រនៅបណ្ដាប្រទេសផ្សេងៗខឹងសម្បារនិងមានការហួសចិត្តនោះគឺ មាននារីម្នាក់ដែលជាអ្នកគាំទ្រដែរនោះ បានចាប់បានសក់ Taehyung ប៉ះពេញៗដៃតែម្ដង។ រឿងនេះ កើតឡើងនៅពេលដែល V បានដើរទៅកៀកហ្វេនពេក ទើបធ្វើឲ្យនារីម្នាក់នោះទប់ចិត្តមិនបាន លូកដៃទៅប៉ះសក់អាយដលខ្លួនយ៉ាងនេះ។

បន្ទាប់ពីកើតហេតុនេះហើយ យើងមិនទាន់ដឹងទេថា គេនឹងចាត់វិធានការបែបណាទៅលើអ្នកគាំទ្រម្នាក់នោះ ដែលទង្វើនេះ វាប៉ះពាល់យ៉ាងខ្លាំងដល់សុវត្ថិភាពរបស់តារាប្រុសរូបនេះ ដូចដែលយើងដឹងហើយថា តារាកូរ៉េមិនងាយឲ្យអ្នកណាប៉ះពួកគេបាននោះទេ៕

ប្រភព៖ MBN News

សូមទស្សនាវីដេអូខាងក្រោម៖

• វីដេអូ
• តារាកូរ៉េ