បែបនេះសោះបានជា Toey ទាក់ទងគូស្នេហ៍បានមួយឆ្នាំហើយ តែមិនងាយបង្ហាញរូបគូ

ថៃ៖ ដូចដែលដឹងស្រាប់ហើយថា តារាស្រីរាងតូងច្រឡឹង Toey Jarinporn បានបែកបាក់ពីស្នេហា៣ឆ្នាំរបស់នាងជាមួយតារាសម្ដែងប្រុស Alex កាលពីពេលកន្លងទៅនេះ។ ចំណែកពេលនេះ នាងក៏បានបើកបេះដូងទទួលយកបុរសម្នាក់ចូលមកស្អំបេះដូង ជាកីឡាករស្គីទឹកកកជម្រើសជាតិមានកេរ្តិ៍ឈ្មោះម្នាក់នៅក្នុងប្រទេសថៃ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ផ្ទុយទៅវិញ តារាស្រីរូបនេះ បើកទំនាក់ទំនងខ្លួនជាមួយគូស្នេហ៍ថ្មីជាសាធារណៈមែន ប៉ុន្ដែរូបនាងមិនងាយនឹងបង្ហោះរូបជាមួយខាងប្រុសនោះទេ ដែលវាបានធ្វើឲ្យអ្នកគាំទ្រឆ្ងល់ក្នុងចិត្តជាខ្លាំង។ មិនទុកឲ្យហ្វេនសង្ស័យយូរ Toey បានចេញមុខប្រាប់ពីមូលហេតុដែលនាងមិនសូវបង្ហាញរូបភាពជាគូបែបនេះ។

ទន្ទឹមនឹងនោះ តួឯកស្រីរូបនេះ បាននិយាយថា ដោយសារតែនាងមានអារម្មណ៍ថា អៀនៗ ទើបយូរបានខ្លួនបង្ហាញរូបគូម្ដង បើទោះបីជាពួកគេដើរកម្សាន្តជាមួយគ្នាជាញឹកញយយ៉ាងណា ក៏នាងនៅតែអៀនមិនហ៊ានបង្ហាញរូបគូនោះដែរ ចម្លើយនេះធ្វើឲ្យហ្វេនហួសចិត្តមែនទែន៕

ប្រភព៖ Internet

• រូបភាព
• តារាថៃ