ជិះកង់ឆ្លង ៦ប្រទេស ទីវ តារារិទ្ធិ រៃអង្គាសបានថវិកាជាង ៥ម៉ឺនដុល្លារ ជូនមន្ទីរពេទ្យកុមារអង្គរ

ភ្នំពេញ៖ មន្ទីរពេទ្យកុមារអង្គរ ថ្លែងអំណរគុណយ៉ាងជ្រាលជ្រៅជូនចំពោះលោក ទីវ តារារិទ្ធិ ជិះកង់រៃអង្គាសថវិការជួយមន្ទីរកុមារអង្គ ក្នុងចំណាយ ៩ ៧៥០គីឡូម៉ែត្រ​ ដែលរៃអង្គាសបានថវិការជាង ៥ម៉ឺនដុល្លារ​អាមេរិក។

នាព្រឹកថ្ងៃទី ២៦ ខែសីហា ឆ្នាំនេះ ថ្នាក់ដឹកនាំនិងក្រុមការងារមន្ទីពេទ្យកុមារអង្គរ​ បានធ្វើដំណើរទទួលស្វាគមន៍អ្នកជិះកង់ លោក ទីវ តារារិទ្ធិ ដោយជិះកង់រួមគ្នា ចេញពីស្រះស្រង់ មកកាន់បរិវេណមន្ទីរពេទ្យកុមារអង្គរ។ សំឡេងអបអរសារទរ របស់ថ្នាក់ដឹកនាំបុគ្គលិកមន្ទីរពេទ្យកុមារអង្គរ និងក្រុមអ្នកគាំទ្របានស្វាគមន៍យ៉ាងអធិកអធមនៅក្នុងមន្ទីរពេទ្យកុមារអង្គរ នៃការត្រឡប់មកដល់របស់ លោក ទីវ តារារិទ្ធិ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មន្ទីរពេទ្យកុមារអង្គរ បានប្រកាសជាផ្លូវការណ៍ថា បន្ទាប់ពីការធ្វើដំណើរជិះកង់អស់រយៈចំងាយ ៩ ៧៥០ គីឡូម៉ែត្រ ក្នុងប្រទេសអាស៊ានចំនួន ៦ប្រទេសចំនាយពេលជិត ៣ខែកន្លងមក អ្នកជិះកង់ តារារិទ្ធិ បានរៃអង្គាសថវិកាសរុប ចំនួន ៥៦ ២៥៧ ដុល្លារអាមេរិក។

ក្រោយពីបានបំពេញបេសកម្មនេះបានយ៉ាងជោគជ័យ មន្ទីពេទ្រកុមារអង្គរ ក៏មានការប្រគល់ពានលើកទឹកចិត្ត និងប្រកាសលទ្ធផល នៃការរៃអង្គាសថវិការបស់តារារិទ្ធិផងដែរ។

សូមចូលរួមបរិច្ចាគថវិកាមកកាន់មន្ទីរពេទ្យកុមារអង្គរតាមរយៈ៖

1. ធនាគារអេប៊ីអេ (ABA Bank)៖ 000 320 555 (Angkor Hospital for Children)

2. ភ្នាក់ងារវេប្រាក់វីង (WING)៖ ប្រាក់រៀល៖ 9122 និង ប្រាក់ដុល្លារ៖ 8122

3. ធនាគារអេស៊ីលីដា (ACLEDA Bank)៖ 01000105696828 (Angkor Hospital for Children)

សូមទស្សនារូបភាពដូចខាងក្រោម៖