«BORN PINK» ការប្រគុំតន្រ្តីរបស់ BLACKPINK អាចរកចំណូលប្រហែល ២៦៤.៥ លានដុល្លារ

កូរ៉េខាងត្បូង៖ ដូចដឹងស្រាប់ហើយថា ក្រុមនារី BLACKPINK បានចាប់ផ្តើមដំណើរការប្រគុំតន្រ្តីទេសចរណ៍ពិភពលោក «BORN PINK» របស់ពួកគេនៅក្នុងខែតុលា ឆ្នាំ ២០២២ ដោយទាក់ទាញទស្សនិកជនទូទាំងពិភពលោកនៅក្នុងទីក្រុងធំៗ ជាច្រើនប្រទេស។

ជាក់ស្តែងអស់រយៈពេលជិតមួយឆ្នាំ ដំណើការប្រគុំតន្ត្រីរបស់ពួកគេបានបន្តឥតឈប់ឈរ ដោយឈានដល់ការសម្តែងចុងក្រោយ ដ៏ធំដែលបានគ្រោងទុកនៅខែក្រោយក្នុងខែកញ្ញានៅឯ Gocheok Sky Dome ដ៏ល្បីល្បាញក្នុងទីក្រុងសេអ៊ូល ប្រទេសកូរ៉េខាងត្បូង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គិតត្រឹមពេលនេះ ប្រាក់ចំណូលរបស់ BLACKPINK ពីការប្រគំតន្ត្រីទេសចរណ៍ពិភពលោករយៈពេលមួយឆ្នាំរបស់ពួកគេត្រូវបានប៉ាន់ប្រមាណ ហើយចំនួនកំពុងកើនឡើងខ្លាំងជាលំដាប់។

ដោយក្នុងនោះ ពួកគេត្រូវបានគេរាយការណ៍ថារកបានចំនួន ៣៥០ ពាន់លានវ៉ុន ដែលស្មើនឹងប្រមាណ ២៦៤.៥ លានដុល្លារ។ ជាមួយនឹងតួលេខដ៏គួរឱ្យភ្ញាក់ផ្អើលនេះ បានធ្វើឱ្យអ្នកនិយមលេងអ៉ីនធឺណែត សម្តែងការកោតសរសើរ ចំពោះចំនួនដ៏ច្រើនសន្ធឹកសន្ធាប់ ដែលក្រុមតារាស្រីរូបនេះ ទទួលបានត្រឹមតែពីការប្រគុំតន្រ្តីទេសចរណ៍ពិភពលោករបស់ពួកគេប៉ុណ្ណោះ៕

ប្រភព៖ Allkpop

សូមទស្សនារូបភាពខាងក្រោម៖

• តារាកូរ៉េ