ក្រសួងប្រៃសណីយ៍ អនុញ្ញាតឲ្យតំណាងក្រុមហ៊ុនហ្វេសប៊ុកអាចបន្តបំពេញការងារនៅកម្ពុជាឡើងវិញ

សង្គម៖ ក្នុងសេចក្ដីប្រកាសព័ត៌មានថ្ងៃទី ២៩ ខែសីហា ឆ្នាំ២០២៣ កន្លងទៅនេះ ក្រសួងប្រៃសណីយ៍បានបញ្ជាក់យ៉ាងដូច្នេះថា ក្រុមហ៊ុន Meta សម្រេចមិនដាក់ពិន័យគណនីហ្វេសប៊ុកផ្លូវការរបស់សម្ដេចតេជោ ហ៊ុន សែននោះទេ។

ក្រុមហ៊ុន Meta Platforms Inc. បានបដិសេធនូវការផ្ដល់អនុសាសន៍របស់សមាជិកក្រុមប្រឹក្សាភិបាលត្រួតពិនិត្យនៃក្រុមហ៊ុន Meta Platforms Inc. ចំនួន ២២រូប ដែលបានស្នើឱ្យផ្អាកជាបណ្ដោះអាសន្នចំពោះគណនី Facebook ផ្លូវការរបស់ សម្ដេចអគ្គមហាសេនាបតីតេជោ ហ៊ុន សែន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រោមហេតុផលនេះ ក្រសួងប្រៃសណីយ៍និងទូរគមនាគមន៍ សម្រេចចេញសេចក្ដីប្រកាសព័ត៌មានថា ក្រសួងអនុញ្ញាតឲ្យតំណាងក្រុមហ៊ុន Facebook អាចបន្តបំពេញការងារនៅកម្ពុជាតទៅទៀតបាន។ ក្រោមកិច្ចព្រមព្រៀងដូចខាងក្រោម៖

១. ក.ប.ទ. សូមទទួលយកនិងអបអរសាទរ ចំពោះការវិនិច្ឆ័យដ៏ត្រឹមត្រូវរបស់ក្រុមហ៊ុន Meta Platforms Inc.។

២. ការសម្រេចនេះ គឺបញ្ជាក់អំពីសុចរិតភាពនៃការផ្សព្វផ្សាយមាតិកាព័ត៌មានលើគណនី Facebook ផ្លូវការរបស់ សម្ដេចអគ្គមហាសេនាបតីតេជោ ហ៊ុន សែន។

៣. ក.ប.ទ. សូមស្វាគមន៍ចំពោះតំណាងក្រុមហ៊ុន Meta Platforms Inc. ដើម្បីបន្តបំពេញការងារនៅកម្ពុជាតទៅទៀត។

៤. ក.ប.ទ. មិនស្វាគមន៍ចំពោះបុគ្គលទាំង ២២រូប ជាសមាជិកក្រុមប្រឹក្សាភិបាលត្រួតពិនិត្យនៃក្រុមហ៊ុន Meta Platforms Inc. ដែលបានផ្ដល់អនុសាសន៍ដ៏អាក្រក់មានចរិតនយោបាយ និងជ្រៀតជ្រែកកិច្ចការផ្ទៃក្នុងរបស់កម្ពុជា៕

ប្រភព៖ ក្រសួងប្រៃសណីយ៍និងទូរគមនាគមន៍

សូមទស្សនារូបភាពដូចខាងក្រោម៖