ចាំអុតមើលទាំងអស់នេះ យប់នេះនឹងមានព្រឹត្តិការណ៍ ព្រះចន្ទខៀវ Super Blue Moon

វិទ្យាសាស្ត្រ៖ យោងតាមប្រភពព័ត៌មាន បានឲ្យដឹងថា យប់ថ្ងៃព្រហស្បតិ៍ ទី៣១ ខែសីហា ឆ្នាំ២០២៣ នេះគឺជាយប់ថ្ងៃ១៥កើតពេញបូណ៍មី (ថ្ងៃសីល) នៅប្រទេសកម្ពុជា។ រីឯ សម្រាប់ប្រទេសលោកខាងលិចវិញ យប់នេះជាព្រឹត្តិការណ៍ Full Moon និងជា Super Moon លើកទី ៣ ក្នុងចំណោម ៤ ប្រចាំឆ្នាំនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ វានឹងកើតឡើងនៅថ្ងៃទី៣០ ខែសីហា ឆ្នាំ២០២៣ ពេលវេលានៅអាមេរិក ឬត្រូវនឹងថ្ងៃទី៣១ ខែសីហា ម៉ោង ៨ៈ៣៥នាទីយប់សម្រាប់ពេលវេលានៅកម្ពុជាយើង។ អ្វីដែលកាន់តែពិសេសនោះ យប់នេះក៏ត្រូវជាព្រឹត្តិការណ៍ ព្រះចន្ទខៀវដ៏ធំ ឬ Super Blue Moon តែមួយគត់ ប្រចាំឆ្នាំ២០២៣ នេះផងដែរ។

ហើយប្រសិនបើខកខានលើនេះ យើងនឹងត្រូវរង់ចាំរហូតដល់ខែមករា និងមីនា ឆ្នាំ២០៣៧ ទើបអាចមានឱកាសនេះម្តងទៀត ព្រោះព្រឹត្តិការណ៍ Blue Moon នៅឆ្នាំក្រោយៗ គឺត្រឹមជា Blue Moon ធម្មតាៗប៉ុណ្ណោះ មិនមែនកម្រិត Super នោះឡើយ, នេះបើតាមការដកស្រង់ពីអង្គការ NASA៕

ប្រភព៖ Cambo Space / ខេមបូអវកាស

• វិទ្យាសាស្រ្ត
• រូបភាព