រកអាយដលឯណាបានដូច Jungkook ពេលឡាយម្ដងៗ ថ្មីរហូត

កម្សាន្ត៖ ប្រិយមិត្តដែលជាអ្នកគាំទ្រតារា Kpop ច្បាស់ជាស្គាល់ សមាជិកពៅរបស់ក្រុម BTS ដែលទើបនឹងឈានចូលវ័យ២៦ឆ្នាំ Jeon Jungkook។ ជាពិសេស តារាប្រុសរូបនេះ តែងតែឡាយវីដេអូនៅក្នុងបណ្ដាញសង្គម ដើម្បីជជែកកម្សាន្តជាមួយហ្វេនជាញឹកញាប់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យហ្វេននាំគ្នាចូលចិត្តមើលឡាយរបស់ Jungkook នោះ គឺនៅពេលឡាយម្ដងៗ តារារូបនេះតែងតែនាំចំណីអារម្មណ៍ថ្មីៗឲ្យហ្វេនទស្សនាកម្សាន្តមិនឲ្យសាំនោះទេ។ នៅក្នុងនោះ មានទាំងហាត់ប្រដាល់ឲ្យហ្វេនមើល ធ្វើម្ហូប លាងចាន បត់លីអូ គេងលក់មែនទែន ផឹកស្រា និង ច្រៀងការ៉ាអូខេរហូតដល់អ្នកជិតខាងប្ដឹងទៀតផង។

លើសពីនោះ នៅក្នុងថ្ងៃកំណើតខ្លួនថ្មីៗនេះផងដែរ Jungkook បានបង្ហាញមុខអបអរខួបកំណើតខ្លួនជាមួយហ្វេនដូចរាល់ឆ្នាំ ប្លែកតែឆ្នាំនេះ កូនពៅប្រចាំក្រុម​ BTS រូបនេះ ឡាយបបួលហ្វេនលេងបៀរ ថែមទាំងបង្ហាញការលេងសៀកឲ្យអ្នកគាំទ្រទូទាំងពិភពលោកមើលទុកជាការកំដរអារម្មណ៍៕

ប្រភព៖ Nalie

• រូបភាព
• តារាកូរ៉េ