សោកស្ដាយចំពោះបវរកញ្ញាកម្ពុជាទាំងបីរូប ដែលខកខានទៅប្រកួតលើឆាកអន្តរជាតិ​

កម្សាន្ត៖ ពិតណាស់មហាជនអ្នកស្នេហាវិស័យបវរកញ្ញាកម្ពុជា ពិតជាសោកស្ដាយចំពោះវត្តមានរបស់បវរកញ្ញាទាំង ៣រូប ដែលមិនអាចឈានជើងទៅប្រកួតលើឆាកអន្តរជាតិបាន។

ដោយបវរកញ្ញាទាំងបីរូបនោះរួមមាន  តារាស្រីរូបស្រស់ ហេង ចន្ថា ម្ចាស់ជ័យលាភី Miss Grand Cambodia 2016 បវរកញ្ញា​ ប៉ុន​ សុរ៉ាវត្តី Miss Planet Cambodia 2022 និង បវរកញ្ញា ស្រស់សោភា ដេត ស្រីនាថ Miss Grand Cambodia 2019។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈការបង្ហាញខ្លួនក្នុងថ្ងៃប្រកួត ពួកគេ​ទាំងបីរូបនេះ សុទ្ធតែមានសមត្តភាព និងសម្រស់គួរឲ្យទាក់ទាញ​ សក្ដិសមនឹងគ្រងតំណែងជាបវរកញ្ញាកម្ពុជា ប៉ុន្តែជាអកុសលដែលបវរកញ្ញាទាំង ៣រូបនេះ មិនអាចឈានជើងបន្ត ទៅប្រកួតលើឆាកអន្តរជាតិបាន។

នេះពិតជាដំណឹងដ៏សោកស្ដាយបំផុត សម្រាប់មហាជននិយមតាមដានវិស័យបវរកញ្ញាកម្ពុជា ក្រោយពីបានស្ដាប់លឺនូវហេតុផលមួយចំនួន ដែលជាហេតុធ្វើឲ្យពួកគេ មិនអាចឈានជើងទៅបង្ហាញសមត្តភាពលើឆាកអន្តរជាតិបាន។ ហេតុទាំងនោះរួមមាន៖

 កញ្ញា ប៉ុន សុរ៉ាវត្តី Miss Planet Cambodia 2022 ដែលត្រូវតំណាងឲ្យកម្ពុជាទៅប្រកួតបន្តនៅប្រទេស Uganda។ បវរកញ្ញា រូបនេះបោះបង់ចោលការប្រកួតក្រោមហេតុថា ខ្លួនបារម្ភពីការផ្ទុះនៃមេរោគអេបូឡា និងពុំមានលទ្ធភាពគ្រាប់គ្រាន់សម្រាប់ការចំណាយក្នុងការប្រកួត។

តារាស្រីរូបស្រស់ ហេង​ ចន្ថា ម្ចាស់ជយលាភី Miss Grand Cambodia 2016 តំណាងឲ្យកម្ពុជាទៅប្រកួតបន្តលើឆាកអន្តរជាតិ Miss Grand International 2016 នៅទីក្រុង Las Vegas សហរដ្ឋអាមេរិក។ រូបនាង មិនអាចទៅប្រកួតបន្តលើឆាកអន្តរជាតិ ក្រោយមិនទទួលបានទិដ្ឋាការពីស្ថានទូតអាមេរិកប្រចាំកម្ពុជា ដលទៅ ២ លើក។

បវរកញ្ញា ស្រស់សោភារាងតូចច្រឡឹង ដេត ស្រីនាថ Miss Grand Cambodia 2019 តំណាងឲ្យកម្ពុជាទៅប្រកួតបន្តនៅប្រទេសវេណេស៊ុយអេឡា​។ រូបនាង បោះបង់ការប្រកួតលើឆាកអន្តរជាតិក្រោមហេតុផល​បារម្ភពីសុវត្ថិភាព ខណៈដែលប្រទេសសវេណេស៊ុយអេឡា កំពុងស្ថិតក្នុងស្ថានភាពចលាចលព្រោះសង្គ្រាម។

សូមទស្សនារូបភាពដូចខាងក្រោម៖

• រូបភាព