ទំនងជាមានអីថ្មី CL បង្ហោះរូបជាមួយ G-Dragon និងតារាប៉ុន្មាននាក់នេះ

កូរ៉េ៖ ប្រិយមិត្តដែលនិយមគាំទ្រតារាចម្រៀងកូរ៉េ ច្បាស់ជាដឹងហើយថា តារាចម្រៀងស្រី CL ដែលជាសមាជិកក្រុម 2NE1 គឺមានទំនាក់ទំនងជិតស្និតជាមួយនឹង G-Dragon ដែលជាមេក្រុម Big Bang ដោយពួកគេធ្លាប់ស្ថិតនៅក្រោមដំបូលផលិតកម្មតែមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក មួយរយៈក្រោយនេះ គេមិនដែលឃើញ CL និង G-Dragon បង្ហាញវត្តមានជាមួយគ្នា ដូចកាលពីមុននោះឡើយ ធ្វើឲ្យហ្វេននឹកមិត្តភាពពួកគេទាំង២ជាខ្លាំង។ ថ្មីៗនេះ ស្រាប់តែ ​CL បានបង្ហោះរូបជាមួយ G-Dragon ព្រមទាំង Psy និង មានទាំងតារាសម្ដែងប្រុស Lee Soo Hyuk ទៀតផង។

នៅក្នុងនោះ តារាកូរ៉េទាំងនេះ បានអង្គុយនៅក្នុងភោជនីយដ្ឋានមួយកន្លែង ដែលមើលទៅវាដូចជាការជួបជុំមួយដែលបង្ហាញថា ទំនាក់ទំនងមិត្តភាពរបស់ពួកគេនៅតែជិតស្និត បើទោះបីជាពួកគេខានបានជួបគ្នាយូរ មិនដែលបង្ហាញយ៉ាងណាក៏ដោយ ដែលវាធ្វើឲ្យហ្វេនៗរំភើបជាខ្លាំង៕

ប្រភព៖ allkpop

• រូបភាព
• តារាកូរ៉េ