ហ្វតតេ ឈ្នះពានរង្វាន់ក្រុមហ៊ុនបរិយាប័ន្នល្អជាងគេបំផុតក្នុងប្រទេសកម្ពុជា ប្រចាំឆ្នាំ២០២៣ ក្នុងកម្មវិធីកិច្ចប្រជុំអាជីវកម្មបរិយាប័ន្នអាស៊ានលើកទី៦

កោះបាលី ឥណ្ឌូនេស៊ី៖ ហ្វតតេ ដែលជាក្រុមហ៊ុនឈានមុខគេក្នុងវិស័យធានារ៉ាប់រងនៅប្រទេសកម្ពុជា ត្រូវបានជ្រើសរើសសម្រាប់ពានរង្វាន់លើកទី៦ នៃកម្មវិធី អាជីវកម្មបរិយាប័ន្នអាស៊ានឆ្នាំ២០២៣ តំណាងឲ្យប្រទេសកម្ពុជាលើឆាកអាស៊ាន ក្នុងនាមជាក្រុមហ៊ុនបរិយាប័ន្នដែលល្អជាងគេបំផុត ដោយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង និវានុវត្តន៍ ហៅកាត់ថា (MISTI)។ កម្មវិធីដ៏ឱឡារិកនេះត្រូវបានប្រព្រឹត្តិទៅនៅកោះបាលី ប្រទេសឥណ្ឌូនេស៊ី ក្រោមការរៀបចំដោយក្រសួងសហប្រតិបត្តិការ និងអាជីវកម្មខ្នាតតូច និងមធ្យម នៃប្រទេសឥណ្ឌូនេស៊ី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ហ្វតតេ ត្រូវបានទទួលស្គាល់ជាក្រុមហ៊ុនអាជីវកម្មបរិយាប័ន្ន ដែលជម្រុញដល់កំណើននៃកសិកម្ម និងធានារ៉ាប់រងសុខភាពក្នុងប្រទេសកម្ពុជា។ អាជីវកម្មបរិយាប័ន្ន ត្រូវបានគឺឲ្យនិយមន័យ ជាក្រុមហ៊ុន ឬសហគ្រាសដែលរកប្រាក់ចំណេញ និងគាំទ្រដល់សហគមន៍ជាមួយនឹងហិរញ្ញវត្ថុដែលមានកម្រិត នេះមានន័យថា ការបង្កើតឲ្យមានជាការជះឥទ្ធិពលវិជ្ជមានដល់សង្គមក្នុងមធ្យោបាយដ៏ច្នៃប្រឌិត។ បណ្ណសន្យារ៉ាប់រងដំណាំដោយផ្អែកលើសន្ទស្សន៍អាកាសធាតុ Weather Index Crop insurance (WICI) របស់ហ្វតតេ បានដើរតួនាទីយ៉ាងសំខាន់ក្នុងការគាំទ្រវិស័យកសិកម្មរបស់ប្រទេសកម្ពុជា តាមរយះការធានានូវសុវត្ថិភាពហិរញ្ញវត្ថុជូនដល់កសិករ។ ក្នុងនាមក្រុមហ៊ុនចម្បងនៃប្រទេសកម្ពុជា ដែលផ្តល់សេវាធានារ៉ាប់រងកសិកម្ម ចាប់តាំងពីឆ្នាំ២០១៤មក ហ្វតតេ បានផ្តល់ជូននូវការការពារការខូចខាតទាំងឡាយណាដែលបណ្តាលមកពីគ្រោះធម្មជាតិ និងគ្រោះមហន្តរាយផ្សេងៗដូចជា ជំនន់ទឹកភ្លៀង គ្រោះរាំងស្ងួត ជាដើម​ជូនដល់ប្រជាកសិករ។

តាមរយៈភាពជាដៃគូដ៏រឹងមាំជាមួយរដ្ឋាភិបាលកម្ពុជា ស្ថាប័នមីក្រូហិរញ្ញវត្ថុ និងអង្គការនានា ហ្វតតេ បានត្រួសត្រាយផ្លូវឆ្ពោះទៅរកការគាំទ្រការអនុវត្តកសិកម្មប្រកបដោយនិរន្តរភាព និងការការពារហិរញ្ញវត្ថុសម្រាប់សហគមន៍មូលដ្ឋានដែលងាយរងគ្រោះ។ ហ្វតតេ បានធ្វើការយ៉ាងសស្រាក់សស្រាំជាមួយប្រជាកសិករ ក្នុងគោលបំណងកសាងនូវធានារ៉ាប់រងជលវប្បកម្ម និងគាំទ្រដល់ការរីកលូតលាស់នៃដំណាំសំខាន់ៗដូចជា ស្រូវ ស្វាយ ពោត ដំឡូងមី និងកៅស៊ូ។ ហ្វតតេ មានបំណងក្នុងការផ្តល់សិទ្ធិអំណាចជូនដល់សហគមន៍ ដោយផ្តល់ជូនពួកគាត់នូវ ការការពារហិរញ្ញវត្ថុក្នុងកាលៈទេសៈដែលមិនបានមើលឃើញទុកជាមុន។

តាមការបង្ហាញរបស់លោក យក់ ចំរើនឫទ្ធិ ប្រធានអគ្គនាយកប្រតិបត្តិនៃក្រុមហ៊ុនហ្វតតេ បានថ្លែងថា៖ “ការទទួលបាននូវពានរង្វាន់ដ៏អស្ចារ្យនិងតំណាងឲ្យក្រុមហ៊ុនហ្វតតេ នៅក្នុងកម្មវិធី ពានរង្វាន់អាជីវកម្មបរិយាប័ន្នអាស៊ានឆ្នាំ២០២៣ នេះ  យើងពិតជាមានមោទកភាពយ៉ាងខ្លាំងសម្រាប់ពាន់រង្វាន់ ក្រុមហ៊ុនអាជីវកម្មបរិយាប័ន្នដ៏ល្អបំផុតក្នុងប្រទសកម្ពុជា (Cambodia's Best Inclusive Business Company) ក្នុងឆ្នាំនេះ ហើយយើងក៏សូមសម្តែងនូវការគោរពយ៉ាងខ្ពង់ខ្ពស់ទៅកាន់ អាជីវកម្មបរិយាប័ន្នអាស៊ាន (ASEAN Inclusive Business Awards) សម្រាប់ការទទួលស្គាល់ការខិតខំប្រឹងប្រែងរបស់យើងកន្លងមក”។ ការកោតសសើរដ៏មានតម្លៃមួយនេះ ជាសក្ខីភាពនៃការប្តេជ្ញាចិត្តរបស់ ហ្វតតេ ក្នុងការធានាលើសុវត្ថិភាពហិរញ្ញវត្ថុរបស់បុគ្គលគ្រប់រូប និងផ្តល់សិទ្ធិអំណាចជូនដល់មនុស្សគ្រប់គ្នាសម្រាប់អនាគតដ៏ល្អប្រសើរ។ ឯកសិទ្ធិភាពតំណាងឲ្យប្រទេសកម្ពុជាក្នុងឆាកអន្តរជាតិ នេះផងដែរ យើងក៏សូមថ្លែងអំណរគុណយ៉ាងជ្រាលជ្រៅជូនដល់ បុគ្គលិក ដៃគូអាជីវកម្ម និងអតិថិជនរបស់យើងសម្រាប់ការគាំទ្រកន្លងមក។​

លោកបានបន្ថែមទៀតថា “ការទទួលស្គាល់មួយនេះ បានជម្រុញឲ្យយើងកាន់តែមានការប្តេជ្ញាចិត្តបន្ថែមទៀត ក្នុងការបន្តបេសកកម្មឆ្ពោះទៅការពង្រីកនូវភាពកាន់តែងាយស្រួល និងដែលអាចទៅរួច សម្រាប់ការប្រើប្រាស់សេវាធានារ៉ាប់រងក្នុងប្រទេសកម្ពុជា និងឡាវ។ យើងជឿជាក់យ៉ាងមុតមាំថា មនុស្សគ្រប់រូបសាកសមនឹងទទួលបាននូវសំណាញ់ការពារសុវត្ថិភាព ហើយយើងនៅតែមានមានភាពខ្ជាប់ខ្ជួនក្នុងការបំប្លែងជំនឿនោះឲ្យក្លាយទៅជាការពិត”។

អំពី ហ្វតតេ

ហ្វតតេ គឺជាក្រុមហ៊ុនឈានមុខគេក្នុងវិស័យធានារ៉ាប់រង នៅក្នុងតំបន់អាស៊ីអាគ្នេយ៍ ជាមួយ ចក្ខុវិស័យ ផ្តល់ការការពារ និងសិទ្ធិអំណាចដល់បុគ្គលគ្រប់រូបក្នុងតំបន់ ដើម្បីអនាគតកាន់តែប្រសើរឡើង- បុគ្គលម្នាក់ អាជីវកម្មមួយ ក្នុងពេល​តែ​មួយ ។ 

បង្កើតឡើងនៅប្រទេសកម្ពុជាក្នុងឆ្នាំ 1999, ហ្វតតេ នៅតែផ្តោតសំខាន់ ចំពោះបេសកកម្មរបស់ខ្លួន ក្នុងការផ្តល់ជូននូវផលិតផល និងសេវាកម្មប្រកបដោយភាពច្នៃប្រឌិត ការកសាងសមត្ថភាពជូននិយោជិត និងរួមចំណែក អភិវឌ្ឍវិស័យធានារ៉ាប់រង ក្នុងទីផ្សារដែលយើងប្រតិបត្តិការ។ ផ្តល់ជូនទាំងសេវាធានារ៉ាប់រង ទូទៅ និងសេវាធានារ៉ាប់រង​អាយុ​​ជីវិតនៅក្នុងប្រទេសកម្ពុជា និងធានារ៉ាប់រង ទូទៅក្នុងប្រទេសឡាវ ។   ហ្វតតេ គឺជាដៃគូគួរជាទីពេញចិត្តមួយ​ក្នុង​ចំណោម​ក្រុម​ហ៊ុន​​ធានារ៉ាប់រងផ្សេងៗទៀត ។

ហ្វតតេ ក៏ជាជម្រើសដ៍ល្អសម្រាប់អាជីពការងារ ជាពិសេសផ្តល់ការលើកទឹកចិត្ត រង្វាន់​នូវ​រាល់ ស្នាដៃបុគ្គលិករបស់យើង និងផ្តល់ឱកាសដល់បុគ្គលិកគ្រប់ៗរូប អភិវឌ្ឍន៍អាជីពការងារ តាមរយៈវគ្គ​បណ្តុះ​បណ្តាល​​នានា​ទាំងក្នុង និងក្រៅស្ថាប័ន ។

សម្រាប់ព័ត៌មានបន្ថែមសូមចូលទៅកាន់គេហទំព័រ : www.forteinsurance.com

• រូបភាព