កម្សាន្ត៖ ថ្មីៗនេះ តារាសម្ដែងហូលីវូដ លោក Chris Evans ដែលត្រូវបានគេស្គាល់តាមរយៈតួអង្គ Captain America បានរៀបការជាមួយគូស្នេហ៍កាលពីចុងសប្ដាហ៍កន្លងទៅ។ ក្រឡេកមកមើលកូនក្រមុំ គឺជា តារាសម្ដែងស្រី Alba Baptista ដែលនាងមានអាយុត្រឹមតែ២៦ឆ្នាំតែប៉ុណ្ណោះ ចំណែកឯកូនកម្លោះវិញគឺអាយុ ៤២ឆ្នាំហើយ។
បើតាមប្រភពព័ត៌មានពី Page Six បានឲ្យដឹងថា ពិធីមង្គលការរបស់ Chris និង Alba បានប្រារព្ធឡើងនៅឯផ្ទះរបស់ Chris ដែលជាស្រុកកំណើតរបស់លោកនៅក្នុងទីក្រុង Boston។ រីឯ ពិធីមង្គលការនេះផងដែរ ត្រូវបានរក្សាភាពឯកជនខ្លាំង ភ្ញៀវដែលចូលរួមសុទ្ធតែត្រូវចុះកុងត្រា មិនអនុញ្ញាតឲ្យយកទូរស័ព្ទចូលនោះទេ។
មិនតែប៉ុណ្ណោះ តារាហូលីវូដរូបនេះ ក៏មិនបានរៀបចំធំដុំអ្វីនោះដែរ ពោលគឺលោកហៅតែភ្ញៀវសំខាន់ៗ សាច់ញាតិ មិត្តជិតស្និទប៉ុន្មានរូបប៉ុណ្ណោះ។ គួរបញ្ជាក់ផងដែរថា Chris Evans និង Alba Baptista ទើបតែបង្កាត់ភ្លើងស្នេហាបានត្រឹម១ឆ្នាំតែប៉ុណ្ណោះ ប៉ុន្ដែពួកគេបានសម្រេចចិត្តប្រើជីវិតរួមរស់នៅជាប្ដីប្រពន្ធស្របច្បាប់៕
ប្រភព៖ ចៃកុន JaiKon
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
