ទីកន្លែងដ៏ស្រស់ស្អាត ដែល Kimberley និង Mark កំពុងត្រៀមរៀបការ ឆាប់ៗនេះ

ថៃ៖ គឺជារឿងដែលហ្វេនៗជាច្រើនកំពុងទន្ទឹងរង់ចាំ ចំពោះការរៀបចំពិធីរៀបការយ៉ាងរ៉ូមែនទិក សម្រាប់អនាគតគូស្វាមីភរិយា តារាប្រុសស្រី Mark Prin និង Kimberley ខណៈដែលពេលនេះ អ្នកទាំងពីរ ក៏បានមកដល់ប្រទេសអ៊ីតាលីហើយ។

អ្វីដែលគួរឲ្យចាប់អារម្មណ៍នោះគឺ បន្ទាប់ពី បានធ្វើពិធីភ្ជាប់ពាក្យហើយនោះ ក៏មានការបង្ហាញពី ទីកន្លែង​រៀប​អាពាហ៍​ពិពាហ៍របស់តារាប្រុសស្រីទាំងពីររូបនេះ នឹងត្រូវរៀបចំឡើងនៅ បឹង Como ដែលជាទីកន្លែងមួយ ដែលមានភាពល្បីល្បាញផងដែរ ក្នុងការរៀបចំពិធីដ៏រ៉ូមែនទិកបំផុត ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស នៅថ្ងៃទី ១៤ ខែកញ្ញានេះ អ្នកទាំងពីរ នឹងប្រារព្ធពិធីមង្គលការ ដោយមានវត្តមានមិត្តភក្តិ ក៏ដូចជាក្រុមគ្រួសារ នៅបឹង Como មួយនេះ ដែលមានទេសភាពខាងក្រៅ ជុំវិញ​ពោរពេញ​ទៅ​ដោយ​វីឡា​តុបតែង​បែប​ទាន់សម័យ ដែលកំពុងធ្វើឲ្យហ្វេនៗជាច្រើន ត្រៀមចាំមើលរូបភាពស្អាតៗ របស់កូនក្រមុំ និងកូនកំលោះ និងបរិយាកាសនៃពិធីមង្គលការ ទាំងមូល ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ