កម្សាន្ត៖ ថ្មីៗនេះ មហាជននាំគ្នាងាកមកចាប់អារម្មណ៍ បទចម្រៀងនៅក្នុងរឿង កុមារី២៥ឆ្នាំ ដែលភាគច្រើននៅមិនទាន់ស្គាល់មុខម្ចាស់សម្លេងនោះទេ។ ជាមួយគ្នានេះ បទ កុមារី២៥ឆ្នាំ ទទួលបានការពេញនិយមជាខ្លាំងកាលពីរយៈពេលជាង១០ឆ្នាំមុន ដែលនរណាៗក៏ចេះច្រៀង ហើយអ្នកខ្លះអាចគិតថា តួឯកស្រីគឺជាអ្នកច្រៀងទៀតផង។
ដោយឡែក អ្នកលេងបណ្ដាញសង្គមមកជីកកកាយរកឃើញវីដេអូមួយ នៃការសម្ដែងបទចម្រៀង ដោយម្ចាស់បទ គឺមិនមែនជាកុមារីនោះទេ តាមពិតគឺជា តារាចម្រៀងប្រុស ម៉ុង ម៉ានុត។ តាមរយៈវីដេអូមួយនេះ បានធ្វើឲ្យមហាជនភ្ញាក់ផ្អើលជាខ្លាំង ព្រោះស្មានតែតារាស្រីជាអ្នកច្រៀង។
ជាពិសេស ក្នុងវីដេអូសម្ដែងនោះ ម៉ានុត បានតែងខ្លួនជាកុមារី ពាក់រ៉ូបពណ៌ក្រម ពាក់សក់ដូចតួឯកស្រីក្នុងរឿង ឡើងច្រៀង និង បង្ហាញក្បាច់រាំគួរឲ្យទាក់ទាញជាខ្លាំង។ ទន្ទឹមនឹងនោះ ម្ចាស់សាមីខ្លួន ក៏បានចេញមុខមកធ្វើ Reaction video ទៅកាន់វីដេអូចាស់របស់ខ្លួនមួយនេះផងដែរ៕
ប្រភព៖ nuthyourbaby
@nuthyourbaby រីករាយកម្រប់ខួប ១០ឆ្នាំនៃបទលោកពូ សម្រាប់រឿងកុមារី២៥ឆ្នាំ ប៉ុន្មានថ្ងៃនេះដែរ វិឌីអូខ្ញុំសម្ដែងកាលពីក្មេងបានបង្ហោះនៅលើ tiktok ហើយបានទទួលការចាប់អារម្មណ៍ច្រើនមែនទែន។ love how I always ល្បីនឹងរឿងអត់ធម្មតារហូត 🤡 ។ បទមួយនេះសរសេរឡើងដោយបងម៉ានិត។ កាលនោះខ្ញុំទើបតែអាយុ១១ ឬ១២ឆ្នាំប៉ុណ្ណោះនៅពេលថតបទនេះ។ ខ្ញុំមិនធ្លាប់គិតទេថាបទមួយនេះមានប្រជាប្រិយភាពខ្លាំង ទោះបីជា១០ឆ្នាំហើយក៏នៅតែមានអ្នកស្ដាប់នោះទេ។ ខ្ញុំកើតមកក្នុងជីវិតមួយនេះពិជាមានសំណាងណាស់ ដែលមានគ្រួសារគាំទ្រគ្រប់យ៉ាងដែខ្ញុំធ្វើ មានមិត្តភកិ្ដរួមសុខរួមទុក្ខជាមួយ និងមានអ្នកគាំទ្រដែលបើកចិត្តទទួលយកគ្រប់យ៉ាងពីខ្ញុំបែបនេះ។ បើនិយាយត្រង់ ខ្ញុំមិនហ៊ានមើលវីឌីអូនេះទេ តាំងពីខ្ញុំធំមក។ វារំលឹករឿងអាក្រក់ជាច្រើនដែលខ្ញុំបានទទួលរងពីក្មេងៗកាលវ័យកុមារ ហើយខ្ញុំក៏មានការភ័យខ្លាចនៅពេលដែលអ្នកទាំងអស់គ្នារកឃើញវិឌីអូនេះនឹងអាចប៉ះពាល់ដល់ការងារខ្ញុំបច្ចុប្បន្ន តែពេលនេះខ្ញុំដឹងហើយ ថាខ្ញុំគិតច្រើនតែឯង។ ហាហា។ ខ្ញុំគ្មានអ្វីទេក្រៅពីអរគុណមិត្តទាំងអស់នូវក្ដីស្រលាញ់ អរគុណបងនិតដែរសរសេរបទនេះឡើង និងអរគុណលោកយាយដែលបើកឱកាសឲ្យខ្ញុំក្នុងការច្រៀងបទនេះ។ #nuthyourbaby #nuth #nuthplays #fypシ #foryoupage #fyp #NUTH #កុមារី២៥ឆ្នាំ😊❤️🤪 #happyanniversary ♬ original sound - nuthyourbaby
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
