កូរ៉េខាងត្បូង៖ កាលពីថ្មីៗនេះ មានករណីគួរឲ្យភ្ញាក់ផ្អើលមួយបានកើតឡើងទៅលើ តារាចម្រៀង K-Pop ម្នាក់ដ៏ល្បីល្បាញ ដែលជាសមាជិកក្រុម Infinite។ តាមប្រភពព័ត៌មានបានឲ្យដឹងថា ថ្មីៗនេះ គេឃើញ Dongwoo បង្ហោះរូប Location របស់ AirPod ខ្លួន ដែលបានបាត់កាលពី២ឆ្នាំមុននៅឯប្រទេសកូរ៉េ ហើយវាស្រាប់តែបង្ហាញសញ្ញាថាវានៅក្បែរៗលោកទៅវិញ។
![](https://s9.kh1.co/69/69bce0d23652f8844a1bc7f73924d490d80711d0.jpg)
អ្វីដែលគួរឲ្យខ្លាចទៀតនោះ Dongwoo បានបញ្ជាក់ថា កាសដែលលោកបានបាត់នេះ ឃើញសញ្ញាវាឆ្លងប្រទេសតាមដល់កន្លែងប្រគុំតន្ត្រីក្នុងប្រទេសម៉ាកាវទៀតផង។ ជុំវិញករណីគួរឲ្យសង្ស័យនេះ គេសន្និដ្ឋានបានថា មានអ្នកគាំទ្ររោគចិត្ត ងប់ខ្លាំង ដែលគេស្គាល់ថា Saesang Fan ជាអ្នកលួច AirPod នោះ ហើយតាមដានខ្លួនគ្រប់ជំហាន។
![](https://s9.kh1.co/dd/dd5aabeb10a7f68c8bf5a191874b136e82cbd395.jpg)
គួរបញ្ជាក់ផងដែរថា Saesang fan គឺជាពួកអ្នកគាំទ្រដែលងប់ងុលស្រឡាញ់អាយដលខ្លាំង រហូតដល់ធ្វើទង្វើហួសហេតុ ដែលពេលខ្លះអាចនាំគ្រោះថ្នាក់ដល់តារារូបនោះទៀតផង។ ហេតុនេះហើយ ទើបអ្នកគាំទ្ររបស់ Dongwoo មានការព្រួយបារម្ភពីសុវត្ថិភាពរបស់លោកជាខ្លាំង៕
![](https://s9.kh1.co/7f/7f15027447171a69e5fb807eb8c6a427dad83a06.jpg)
ប្រភព៖ K Line Global
![](https://s9.kh1.co/d1/d15dfdf6b2b93dfbb39ec58fb46a1f6b47b359ac.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]