តារា K-Pop រូបនេះ បាត់ AirPod ២ឆ្នាំហើយ ស្រាប់តែបង្ហាញសញ្ញាថានៅក្បែរខ្លួន សង្ស័យហ្វេនរោ-->គចិត្តលួចតាម

កូរ៉េខាងត្បូង៖ កាលពីថ្មីៗនេះ មានករណីគួរឲ្យភ្ញាក់ផ្អើលមួយបានកើតឡើងទៅលើ តារាចម្រៀង K-Pop ម្នាក់ដ៏ល្បីល្បាញ ដែលជាសមាជិកក្រុម Infinite។ តាមប្រភពព័ត៌មានបានឲ្យដឹងថា ថ្មីៗនេះ គេឃើញ Dongwoo បង្ហោះរូប Location របស់ AirPod ខ្លួន ដែលបានបាត់កាលពី២ឆ្នាំមុននៅឯប្រទេសកូរ៉េ ហើយវាស្រាប់តែបង្ហាញសញ្ញាថាវានៅក្បែរៗលោកទៅវិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលគួរឲ្យខ្លាចទៀតនោះ Dongwoo បានបញ្ជាក់ថា កាសដែលលោកបានបាត់នេះ ឃើញសញ្ញាវាឆ្លងប្រទេសតាមដល់កន្លែងប្រគុំតន្ត្រីក្នុងប្រទេសម៉ាកាវទៀតផង។ ជុំវិញករណីគួរឲ្យសង្ស័យនេះ គេសន្និដ្ឋានបានថា មានអ្នកគាំទ្ររោគចិត្ត ងប់ខ្លាំង ដែលគេស្គាល់ថា Saesang Fan ជាអ្នកលួច AirPod នោះ​ ហើយតាមដានខ្លួនគ្រប់ជំហាន។

គួរបញ្ជាក់ផងដែរថា Saesang fan គឺជាពួកអ្នកគាំទ្រដែលងប់ងុលស្រឡាញ់អាយដលខ្លាំង រហូតដល់ធ្វើទង្វើហួសហេតុ ដែលពេលខ្លះអាចនាំគ្រោះថ្នាក់ដល់តារារូបនោះទៀតផង។ ហេតុនេះហើយ ទើបអ្នកគាំទ្ររបស់ Dongwoo មានការព្រួយបារម្ភពីសុវត្ថិភាពរបស់លោកជាខ្លាំង៕

ប្រភព៖ K Line Global

• រូបភាព
• តារាកូរ៉េ