ទៅចូលរួមកម្មវិធីឡើងសប្បាយ តែ Taylor Swift បែរជាជួបរឿងបែបនេះ

បរទេស៖ ខណៈកំពុងមានភាពរីករាយជាមួយនឹងការឈ្នះពានរង្វាន់ជាច្រើន ក្នុងកម្មវិធី MTV Video Music Awards តារាចម្រៀងស្រី Taylor Swift ស្រាប់តែមានភាពភ្ញាក់ផ្អើលជាខ្លាំង នៅពេលដែលបានដឹងថា ពេជ្របានធ្លាក់ចេញពីចិញ្ចៀនរបស់ខ្លួន ដែលតម្លៃ ១២០០០ ដុល្លារ។

ក្នុងនោះដែរ យោងតាម ​​Page Six បានឲ្យដឹងថា តារាចម្រៀងស្រីរូបនេះ បានពាក់ចិញ្ចៀនពេជ្រដ៏ធំមួយ ពីក្រុមហ៊ុនគ្រឿងអលង្ការលំដាប់ខ្ពស់ Joseph Saidian & Sons ជាមួយនឹងតម្លៃលក់រាយ ១២០០០ ដុល្លារ ចូលរួមក្នុងកម្មវិធីនេះ តែ គ្រាប់ពេជ្រនៅចិញ្ចៀនហាក់រលុង ស្របពេលដែល Taylor រាំ និងអបអរសាទរ និងទះដៃយ៉ាងក្លៀវក្លា នៅក្នុងហ្វូងមនុស្ស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ យោងតាមវីដេអូដែលបានថតដោយទស្សនិកជន រូបនាងមើលទៅហាក់បីដូចភ័.យស្ល.ន់ស្លោ ខណៈដែលបានកាន់ចិញ្ចៀន នៅសល់តែវង់មាសតែប៉ុណ្ណោះ។ យ៉ាងណាមិញ តារាស្រីរូបនេះ ក៏បាន​ប្រគល់​វា​ទៅ​ឲ្យ​សន្តិសុខ ដើម្បី​ចាប់​ផ្តើម​ស្វែង​រក​ពេជ្រ ទៀតផង។ តែទោះជាយ៉ាងណា ក៏នៅតែមិនទាន់ដឹងច្បាស់ទេថា Taylor បានរកឃើញពេជ្រឬយ៉ាងណានោះទេ ខណៈពេលឡើងលើឆាកដើម្បីទទួលពានរង្វាន់ ចិញ្ចៀននោះ បានបាត់ពីដៃឆ្វេងរបស់នាងទៅហើយ ហើយខាងតំណាង​របស់​តារា​ចម្រៀងរូបនេះ ក៏​បានបដិសេធ​មិន​ធ្វើ​អត្ថាធិប្បាយ​ជុំវិញ​ព័ត៌មាន​នេះ​ នោះទេ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ