ឡើងផ្អែមល្ហែម ពេល Yaya និង Nadech បង្ហាញសកម្មភាពមួយនេះ

ថៃ៖ ជាមួយនឹងដំណឹងដ៏រីករាយរបស់ តារាប្រុសស្រី Mark Prin និង Kimberley ដែលបានចូលរោងការ កាលពីថ្ងៃទី ១៤ ខែកញ្ញា កន្លងទៅនេះ ក៏ដូចជាបានរៀបចំយ៉ាងរ៉ូមែនទិកនៅប្រទេសអ៊ីតាលី រហូតធ្វើឲ្យហ្វេនៗជាច្រើន រំភើបជំនួស និងបានចូលរួមអបអរសាទរជាថ្មីម្តងទៀតចំពោះអ្នកទាំងពីរ ។

ជាមួយគ្នានេះដែរ ក្រៅពីពិធីរៀបការរបស់កូនកំលោះកូនក្រមុំមួយគូនេះ ថ្មីៗនេះ តារាស្រី Yaya ដែលជាមិត្តជិតដិត និងបានចូលរួមក្នុងពិធីមង្គលមួយនេះដែរ រូបនាង បានចេញមកបង្ហោះសារ ធ្វើឲ្យអ្នកគាំទ្រភ្ញាក់ផ្អើល នៅពេលដែលគេសួរនាំ ពីរឿងរ៉ាវក្នុងទំនាក់ទំនងស្នេហារបស់ខ្លួន ថានាងនឹងរៀបការនៅពេលណា ដោយបានបង្ហើបថា នៅឆ្នាំក្រោយ ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ Yaya និង Nadech ដែលជាគូស្នេហ៍ ក៏បានបង្ហាញភាពផ្អែមល្ហែមជាមួយគ្នា ​ដូច​គូស្នេហ៍​ថ្មីថ្មោង ខណៈពេលចូលរួមអបអរទៅដល់មិត្តភក្តិ។ ហើយនេះ គឺជាគូស្នេហ៍មួយគូទៀតហើយ ដែលកំពុងតែធ្វើឲ្យអ្នកគាំទ្ររង់ចាំមើល និងពេលវេលាជាក់លាក់នៅថ្ងៃខាងមុខ ដែលអ្នកទាំងពីរបានសម្រេចបញ្ចប់ភាពនៅលីវ សាងគ្រួសាររួមគ្នា ផងដែរ៕ ​

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ