កម្សាន្ត៖ កុមារីកម្ពុជា ៥ រូប កំពុងទទួលបានការកោតសរសើរជាខ្លាំងពីមហាជន ក្រោយពួកគេ បានមកបញ្ចេញសមត្ថភាពដ៏ពិសេសអស្ចារ្យនៅក្នុងកម្មវិធី ប្រឡងទេពកោសល្យលំដាប់ពិភពលោក Cambodia’s Got Talent រដូវកាលពី៣ កាលពីសប្ដាហ៍ទី ២ កន្លងទៅ។
![](https://s9.kh1.co/d7/d7f84013ec0ae137142f439d3af1781784c91f4d.png)
ក្មេងស្រីដ៏គួរឱ្យស្រលាញ់ទាំង ៥ រូបនេះ បានមកបង្ហាញសមត្ថភាពទេពកោសល្យ បញ្ចេញក្បាច់រាំច្នៃប្រឌិតថ្មី ដ៏ល្វត់ល្វន់ អមដោយបទ ចម្រៀង វីរនារី។ អ្វីដែលធ្វើឱ្យគណៈកម្មការទាំង ៤រូប ព្រមទាំងទស្សនិកជនរាប់លាននាក់ចាប់អារម្មណ៍ខ្លាំងនោះ គឺក្មេងស្រីទាំង ៥ រូប សុទ្ធតែនៅវ័យក្មេង តូចៗ តែមានចិត្តមោះមុត ចង់បានប៊ូតុងមាស ត្រឡប់ទៅវិញ ដោយពួកគេបានសហការគ្នាយ៉ាងល្អ ក្នុងការសម្ដែងចេញមក ទាំងទឹកមុខ ទាំងសំលៀកបំពាក់បែបសហសម័យ ការចែកក្រឡាគ្នារាំ និងពិសេសក្បាច់រាំបង្កប់អត្ថន័យវប្បធម៌ខ្មែរ នៅក្នុងនោះទៀត ដែលធ្វើឱ្យផ្ទាំងទស្សនីយភាពមួយនេះជក់ចិត្តបំផុត។
![](https://s9.kh1.co/fe/fe981bee04ea008b9866542bc751d4db030283b4.jpeg)
![](https://s9.kh1.co/1e/1e05c3b3115a1f01d07193cd5c8b5659de82dc66.png)
កុមារីទាំង ៥ រូបនេះ គឺមកពីក្រុម Moon Light ជាកូនសិស្សរបស់តារាសម្ដែង ព្រះកាយច័ន្ទ បានឆក់យកបេះដូង គណៈកម្មទាំង ៤ រូប សរសើរសមត្ថភាពដ៏ពូកែរបស់ពួកគេ រហូតដល់ Judge KOY ចុចប៊ូតុងមាស ធ្វើឱ្យក្មេងស្រីទាំង ៥ រូប អាចឆ្ពោះទៅកាន់វគ្គផ្ដាច់ព្រ័ត្រដោយស្វ័យប្រវត្តិ។ ដូច្នេះមានតែរង់ចាំមើលថាតើ ក្រុម Moon Light នឹងមានអ្វីដែលថ្មី ប្លែក អស្ចារ្យ យ៉ាងណាទៀតនោះ សូមរង់ចាំដានទស្សនាកម្មវិធីប្រឡងទេពកោសល្យដ៏អស្ចារ្យ Cambodia’s Got Talent រដូវកាលទី៣។
![](https://s9.kh1.co/3c/3c438fe63418cecc56f230bf9986958f69cc3a99.png)
![](https://s9.kh1.co/89/89c36f0eaa2ca2734bc4b03581b34fcff0b31b13.png)
នៅសប្ដាហ៍បន្ទាប់នៅថ្ងៃសៅរ៍នេះ មានបេក្ខជនជាច្រើនរូបទៀតមកពីគ្រប់ទិសទីនៅក្នុងប្រទេសកម្ពុជា នឹងមកបញ្ចេញសមត្ថភាព ទេពកោសល្យ អស្ចារ្យ ប្លែកៗ មិនធ្លាប់ឃើញពីមុនជាបន្តទៀត នៅលើឆាកដ៏អស្ចារ្យ លំដាប់ពិភពលោកលោក។
![](https://s9.kh1.co/d2/d29736e3f52437070fe67820e660ca484a846ce4.png)
![](https://s9.kh1.co/65/650481d0c0fac16bfc296c911614e1f27444cba7.png)
កម្មវិធីប្រឡងទេពកោសល្យ Cambodia’s Got Talent រដូវកាលទី៣ ដ៏ល្បីល្បាញលំដាប់ពិភពលោក មានផ្សាយផ្ទាល់រៀងរាល់ថ្ងៃសៅរ៍វេលាម៉ោង ៨យប់ លើកញ្ចក់ទូរទស្សន៍ហង្សមាស HDTV។ Cambodia’s Got Talent រដូវកាលទី៣ មានថាមពលជំរុញដ៏ខ្លាំងក្លាពីគោជល់ថ្មី! ល្អជាងមុន វីតាមីនខ្ពស់ ជំរុញស្មារតីខ្លាំងក្លា៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]