ហ្វេនរំជួលចិត្ត ក្រោយ Suga ផ្ដាំបែបនេះចុងក្រោយ មុនចូលហ្វឹកហាត់ទាហ៊ាន

កូរ៉េខាងត្បូង៖ កាលពីថ្មីៗនេះ អ្នកគាំទ្របានបង្ហាញអារម្មណ៍ក្ដុកក្ដួលទៅកាន់ Suga ដែលជាសមាជិកក្រុម BTS ទី៣ ដែលត្រៀមនឹងចូលបម្រើជួរកងទ័ពនៅពេលឆាប់ៗខាងមុខនេះ។ នៅក្នុងនោះ តារារ៉េបរូបនេះ បានចេញមកឡាយវីដេអូបង្ហាញពីម៉ូតសក់ថ្មីដ៏ខ្លីរបស់ខ្លួន ហើយបាននិយាយរៀបរាប់លាទៅកាន់ហ្វេន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនតែប៉ុណ្ណោះ Suga បាននិយាយថា​ មួយរយៈចុងក្រោយនេះ ប្រហែល៤០ថ្ងៃ លោកបានសម្រាកមិនបានធ្វើអ្វីនោះទេ លោកបានឡើងគីឡូ ព្រោះគេងស្រួល ហូបស្រួល មួយថ្ងៃៗមិនបានធ្វើអ្វីច្រើននោះទេ។ លើសពីនោះ Suga បន្ដទៀតថា លោកបានចំណាយពេលជាមួយសមាជិកក្រុម និង គ្រួសាររបស់លោកបានច្រើន។

ជាពិសេស ម្ចាស់បទ Daechwita រូបនេះ ក៏បានប្រាប់ហ្វេនថា លោកបានថតកម្មវិធី Suchwita ជាច្រើនវគ្គត្រៀមសម្រាប់ពួកគេរួចហើយ។ ចុងក្រោយ លោកបានផ្ដាំថា គ្មានអ្វីត្រូវយំនោះទេ ចាំជួបគ្នាក្នុងឆ្នាំ២០២៥ ៕ គួរបញ្ជាក់ផងដែរ Min Yoongi នឹងត្រូវចូលជួរកងទ័ពនៅថ្ងៃទី២២ ខែកញ្ញា ឆ្នាំ២០២៣ខាងមុខនេះ ដែលសល់តែប៉ុន្មានថ្ងៃទៀតប៉ុណ្ណោះ៕

ប្រភព៖ allkpop

• រូបភាព
• តារាកូរ៉េ