យល់ដឹង៖ សម័យនេះហើយគឺជាសម័យបច្ចេកវិទ្យា ដែលមានការប្រើប្រាស់បណ្ដាញសង្គមទូលំទូលាយខ្លាំងណាស់ ដោយថែមទាំងមាន App សម្រាប់ថតរូប និងកែរូប ដោយដាក់ Filter បន្ថែមឲ្យឃើញផ្ទៃមុខនិងដងខ្លួនរបស់យើងរឹតតែស្អាតជាដើម។
មានមនុស្សជាច្រើនណាស់ដែលកែរូបពួកគេឲ្យខុសពីទម្រង់ដើម មុនពេលបង្ហោះនៅលើបណ្ដាញសង្គមព្រោះវាជាចាត់ទុកជារឿងធម្មតាទៅហើយ នរណាៗក៏ចង់មើលទៅស្អាតនៅលើបណ្ដាញសង្គមដែលមិនមែនជាជីវិតពិតរបស់យើងដែរ។
យ៉ាងណាមិញ យោងតាមការស្រាវជ្រាវពីគេហទំព័រ CNN ដ៏ល្បីល្បាញ់បានចុះផ្សាយថា ផ្អែកលើការសិក្សាពី International Journal of Eating Disorder បានរកឃើញថាអ្នកដែលពូកែកែរូបខ្លួនឯងនៅលើបណ្ដាញសង្គម ងាយនឹងប្រឈមជាមួយជំងឺវិបល្លាសនៃការបរិភោគ (Eating Disorder) ដែលជាប្រភេទជំងឺ មនុស្សមានការទទួលទានអាហារបានតិចជាងធម្មតារហូតប្រែជាស្គមរីងរៃ សល់តែស្បែកដណ្ដប់ឆ្អឹង។
វិបល្លាស់នៃការបរិភោគនេះ កើតឡើងនៅពេលមនុស្សទាំងអស់មើលឃើញថារាងរៅខ្លួនឯងនិងផ្ទៃមុខខ្លួនឯងស្អាតណាស់នៅពេលដែលកែរូបឲ្យចេញជាស្គម ទើបចង់សម្រកគីឡូ ចង់ស្គមឲ្យដូចក្នុងរូប។
មិនត្រឹមតែប៉ុណ្ណោះ ការសិក្សាក៏បានរកឃើញថា ការកែរូបច្រើនពេកក៏អាចធ្វើឲ្យមនុស្សបាត់បង់ទំនុកចិត្តលើរាងកាយខ្លួនឯង និងលែងស្កប់ស្កល់ចំពោះរាងកាយខ្លួនឯងផងដែរ៕
ប្រភព៖: cnn
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
