ហេតុអីបានអ្នកខ្លាចខ្មោច តែងតែចូលចិត្តមើលរឿងខ្មោច?

យល់ដឹង៖ ជាទូទៅ អ្នកដែលចូលចិត្តមើលរឿងខ្មោច គឺខ្លាចខ្មោចណាស់ ប៉ុន្តែនៅតែចង់ទៅមើល ដោយសុខចិត្តយកដៃខ្ទប់មុខពេលវគ្គខ្មោចលង និងចូលចិត្តអារម្មណ៍ពេលដែលគេពញ្ញាក់ជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការពិតទៅ អ្នកចិត្តវិទ្យាបានបង្ហើបថា មនុស្សយើងតែងតែចូលចិត្តមើលរឿងខ្មោច ក៏ដោយសារតែយើងចូលចិត្តអារម្មណ៍ពេលរាងកាយខ្លួនឯងបញ្ចេញសារធាតុអាដ្រេណាលីន ដែលរាងកាយត្រៀមរួចរាល់ក្នុងការប្រយុទ្ធ គឺហាក់ដូចជាយើងកំពុងជាតួអង្គនៅក្នុងរឿងកំពុងស្វះស្វែងរកវិធីដើម្បីគេចចេញពីការលងរបស់ខ្មោច។

មិនត្រឹមតែប៉ុណ្ណឹង យើងក៏ចង់ចួបនឹងអារម្មណ៍មួយដែលខ្លួនឯងរហេរហន់ រកវិធីដើម្បីរស់បន្ត តាមសាច់រឿងដែលតួអង្គសម្ដែង ដោយសារតែនៅក្នុងជីវិតពិត យើងមិនធ្លាប់ចួបស្ថានការណ៍បែបនេះ។

ម្យ៉ាងទៀត យើងចូលចិត្តមើលរឿងរន្ធត់បែបនេះក៏ដោយសារ យើងដឹងច្បាស់ថាហេតុការណ៍នេះមិនបានកើតឡើងលើខ្លួនឯងនៅក្នុងជីវិតពិតទេ តែយើងចង់ដឹងវិធីដើម្បីទប់ទល់នឹងការភ័យខ្លាចមួយនោះ បើសិនក្នុងករណីខ្លួនឯងធ្លាក់ក្នុងស្ថានភាពដូចតួអង្គ៕

ប្រភព៖: movieweb

• ភាពយន្ត