សោកស្ដាយ ក្រោយ Ariana ដាក់ពាក្យលែងលះ ជាផ្លូវការ

បរទេស៖ ថ្មីៗនេះ យោងតាមប្រភពពី TMZ បានឲ្យដឹងថា តារាចម្រៀងស្រី Ariana Grande និងស្វាមី Dalton Gomez បានដាក់ពាក្យលែងលះជាផ្លូវការនៅតុលាការហើយ។ 

ជាមួយគ្នានេះដែរ តារាចម្រៀងស្រីរូបនេះ ក៏បានលើកឡើងពី ហេតុផលសម្រាប់ការសម្រេចចិត្តលែងលះនេះគឺដោយសារតែ ភាពខុសគ្នាដែលមិនអាចផ្សះផ្សាបាន។ ខណៈខាងស្វាមីរបស់នាង លោក Dalton Gomez ក៏បានដាក់ពាក្យភ្លាមៗបន្ទាប់ពីនោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ យោងតាម ប្រព័ន្ធ​ផ្សព្វផ្សាយ​អាមេរិក​បាន​រាយការណ៍​ថា គូស្វាមីភរិយាអ្នក​ទាំង​ពីរ​ ក៏បាន​ដោះស្រាយ​បញ្ហា​ទ្រព្យសម្បត្តិ​មុន​ពេល​ដាក់​ញត្តិ​នៅ​តុលាការ ផងដែរ។ ជាពិសេស Ariana Grande ត្រូវបានគេរំពឹងថា នឹងផ្តល់ឱ្យអតីតស្វាមីរបស់នាង នូវប្រាក់មួយចំនួនមុនពេលចែកផ្លូវគ្នា ខណៈការដោះស្រាយបញ្ហាទ្រព្យសម្បត្តិអាចជួយឱ្យដំណើរការលែងលះ ត្រូវបានបញ្ចប់លឿនជាងមុន។

គួររំឮកផងដែរថា លោក Dalton Gomez បានស្នើសុំរៀបការទៅ Ariana Grande កាលពីខែធ្នូ ឆ្នាំ ២០២០ បន្ទាប់មកអ្នកទាំងពីរ ក៏បានរៀបការដោយស្ងប់ស្ងាត់ នៅក្នុងខែឧសភា ឆ្នាំ ២០២១ នៅឯផ្ទះឯកជនរបស់តារាចម្រៀងស្រី Ariana ក្នុងរដ្ឋកាលីហ្វ័រញ៉ា (សហរដ្ឋអាមេរិក)៕

ប្រភព៖ Kenh14

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ