វិធីបង្ការខ្លួនពី រន្ទះនៅខែភ្លៀងនេះ

យល់ដឹង៖ រន្ទះពិតជាអាចឆក់យកជីវិតរបស់មនុស្សក្នុងមួយប៉ប្រិចភ្នែក ជាពិសេសនៅពេលភ្លៀងខ្លាំងហើយមនុស្សយើងមានកង្វះការប្រុងប្រយ័ត្ន។ ដូច្នេះនៅពេលមានភ្លៀងធំ លាយឡំជាមួយផ្គររន្ទះនារដូវរវស្សារនេះ អ្នកគួរតែដឹងពីរបៀបការពារខ្លួនពេលមានផ្គរលាន់និងរន្ទះខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ចៀសឆ្ងាយពីកន្លែងមានទឹក

ទោះបីជាអ្នកកំពុងនៅក្នុងផ្ទះពេលភ្លៀងក៏ដោយ ហាមដាច់ខាតមិនត្រូវទៅបន្ទប់ទឹក ងូតទឹក ឬលាងដៃ លាងចាន បោកសំលៀកបំពាក់នោះឡើយ ព្រោះការប៉ះពាល់ជាមួយទឹកអំឡុងពេលមានភ្លៀងរន្ទះ គឺរន្ទះនោះអាចធ្វើដំណើរចូលតាមប្រព័ន្ធទឹកនេះឯង។

២. កុំប៉ះឧបករណ៍អេឡូកត្រូនិកគ្រប់ប្រភេទ

មិនថាទូរស័ព្ទដៃ កំព្យូទ័រ ទូរទស្សន៍ វិទ្យុ ឬគ្រឿងអេឡិកត្រូនិកផ្សេងៗទេ ហាមអ្នកប៉ះពាល់វាដាច់ខាត ដោយសារតែរន្ទះអាចឆ្លងតាមឧបករណ៍អស់ទាំងនេះហើយ។ អ្នកក៏មិនត្រូវនៅជិតរបស់ដែលធ្វើពីដែកនោះដែរ។

៣. កុំនៅក្បែរមាត់បង្អួច ទ្វារ ជើងសសរ ឬស៊ីម៉ង់ត៍

ហាមដាច់ខាតមិនត្រូវអើតតាមបង្អួច ឈរក្បែរទ្វារ ក្បែរជើងសសរ និងដាច់ខាតមិនត្រូវដេកនៅលើឥដ្ឋដែលធ្វើពីស៊ីម៉ង់ត៍នោះឡើយ។ ៤. បើសិនអ្នកនៅខាងក្រៅ ប្រញាប់រកកន្លែងជ្រក បើសិនអ្នកនៅខាងក្រៅ ឬនៅលើភ្នំជាដើម សូមប្រញាប់ចុះពីភ្នំ ដើម្បីរកកន្លែងជ្រកតែមិនត្រូវជ្រកក្រោមដើមឈើ ថ្ម នោះឡើយ។

៥. កាយវិការ

បើសិនជាកន្លែងអ្នកមានរន្ទះខ្លាំងហើយអ្នកចង់ពួន មិនត្រូវដេករាបនៅលើឥដ្ឋនោះឡើយ តែត្រូវអង្គុយចោងហោងឲ្យដូចកូនបាល់ ដោយឱនក្បាលចុះហើយយកដៃខ្ទប់ត្រចៀក។

៦. កុំជិះកង់ឬម៉ូតូ ឬប្រើប្រាស់យានជំនិះគ្រប់ប្រភេទ

នៅពេលភ្លៀងលាយឡំរន្ទះខ្លាំង អ្នកមិនគួរជិះម៉ូតូ ឬប្រើប្រាស់យានជំនិះគ្រប់ប្រភេទនោះឡើយ ព្រោះយានជំនិះទាំងអស់នោះសុទ្ធតែធ្វើពីដេក។ សូមចុះពីលើម៉ូតូ ឬយានជំនិះរបស់ខ្លួនហើយរកកន្លែបសុវត្ថិភាពដើម្បីជ្រកភ្លៀង។ ៧. កុំឈរក្បែរកន្លែងខ្ពស់ ទីខ្ពស់ដូចជាអគារខ្ពស់ អង់តែន ឬដើមឈើខ្ពស់ៗជាដើមមិនស័ក្តសមឲ្យអ្នកជ្រកនោះឡើយ។

៨. កុំនៅទីវាល

កន្លែងណាក៏ដោយដែលជាទីវាល មិនថាសួនច្បារ ទីលានទាត់បាល់ កន្លែងក្មេងលេង មាត់ឆ្នេរ... ជាដើមគឺមិនគួរឲ្យអ្នកជ្រកនោះឡើយ។ សូមធ្វើការជម្លៀសខ្លួនចេញពីត្រង់នោះជាបន្ទាន់៕  

ប្រភព៖: cdc

• ធម្មជាតិ