កម្សាន្ត៖ កាលពីថ្មីៗនេះ អ្នកលេងបណ្ដាញសង្គម TikTok មានការចាប់អារម្មណ៍ជាខ្លាំងទៅលើតារាចម្រៀងប្រុស Justin Bieber ដែលលោកបានឡើងច្រៀងទាំងស្រវឹងត្រដាបត្រដួស។ អ្វីដែលគួរឲ្យភ្ញាក់ផ្អើលទៀតនោះ ទោះបីលោកស្រវឹងឈរមិនត្រង់យ៉ាងណាក៏ដោយ ក៏លោកនៅតែច្រៀងបានយ៉ាងពីរោះដែរ។

ជាពិសេស នៅក្នុងវីដេអូនោះបានបង្ហាញឲ្យឃើញថា Justin បានច្រៀងបទ Stay ដែលជាចម្រៀងរួមគ្នានឹងតារាប្រុសម្នាក់ទៀតគឺ The Kid LAROI នៅលើឆាកតន្ត្រីតូចមួយ។ ទន្ទឹមនឹងនោះ តារាចម្រៀងរូបនេះ ហាក់មិនខ្វល់នឹងភ្នែកមហាជនដែលកាន់កាមេរ៉ាថតសកម្មភាពខ្លួនបែបនេះឡើយ។

ក្រឡេកទៅមើល LAROI វិញ លោកហាក់មិនបានស្រវឹងនោះទេ ខ្លួនអង្គុយច្រៀងធម្មតា ដែលធ្វើឲ្យហ្វេនសរសើរ LAROI ទៀតនោះ គឺទោះ Justin ឡើងមកច្រៀងទាំងខ្លួនទន់យ៉ាងណា ក៏គេនៅតែបន្ដច្រៀងជាមួយទាំងស្នាមញញឹម បន្ដទុកឲ្យ Justin ច្រៀងតាមបេះដូង។

លើសពីនោះ អ្នកគាំទ្រតាមបណ្ដាញអ៉ិនធើណែត បាននិយាយដូចៗគ្នាថា ពួកគេចូលចិត្តបទ Stay Version ស្រវឹងនេះជាង ព្រោះ Justin ច្រៀងខុសពីបទដើម ដោយច្រៀងកែប៉ារូលខ្លះៗ ខុសទំនុកដើមខ្លះៗ ហើយលោកច្រៀងហាក់មានមនោសញ្ចេតនាខ្លាំងទៀត៕

ប្រភព៖ jjbieber
@jjbieber_ Stay #justinbieber #justinbieberfan #justinbiebertiktok #belieber #belieberforeverrr #stay #stayjustinbieber #foryou #fly #fyp ♬ som original - jjbieberarmy
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]