យល់ដឹង៖ ផ្លែឈើជាអាហារមួយដ៏សំខាន់ដែលសម្បូរជីវជាតិ ដែលអ្នកគួរតែទទួលទានឲ្យបានច្រើនបើសិនជាអ្នកចង់សម្រកទម្ងន់ ព្រោះវាអាចជួយឲ្យអ្នកឆ្អែតបានយូរទៀតផង។
![](https://s9.kh1.co/91/911df67a783250ba99d34178b15cd422f8a2ee0a.png)
យ៉ាងណាមិញ ការសម្រកទម្ងន់មិនអាចពឹងតែលើការទទួលទានផ្លែឈើមួយមុខនោះទេ តែដោយរួមបញ្ចូលទាំងកត្តាផ្សេងៗដូចជាហាត់ប្រាណ តមអាហារ កាត់បន្ថយការទទួលទានភេសជ្ជៈផ្អែមជាដើម។ ខាងក្រោមនេះជាផ្លែឈើដែលជួយសម្រួលដល់ការសម្រកទម្ងន់របស់អ្នក៖
១. ផ្លែឪឡឹក
ឪឡឹកមានជាតិទឹកច្រើន ហើយការញ៉ាំវាអាចជួយសម្រួលដល់ការសម្រកទម្ងន់របស់អ្នក ដោយសារតែឪឡឹក១០០ក្រាម មានតែកាឡូរីតែ១០ប៉ុណ្ណោះ ហើយវាក៏មានជាតិអាមីណូអាស៊ីត ដែលជួយរំលាយខ្លាញ់បានលឿនទៀត។
![](https://s9.kh1.co/58/5847686250d62e6f94d31f9f16cb70c0d7309aad.png)
២. ផ្លែត្របែក
ត្របែកមានផ្លែឈើមានជាតិហ្វាយបឺ ដែលអាចជួយឲ្យចំណង់អាហាររបស់អ្នកមានភាពស្កប់ស្កល់ ដែលវាគ្មានជាតិខ្លាញ់ទាល់តែសោះ និងមានជាតិស្ករតិចជាងផ្លែឈើផ្សេងៗដូចជា ផ្លែប៉ោម ក្រូច និងទំពាំងបាយជូរ។
![](https://s9.kh1.co/eb/eb4b0341f27683ece47eb63d792fbae61b753aec.png)
៣. ផ្លែក្រូចថ្លុង
ផ្លែក្រូចថ្លុង មិនត្រឹមតែមានជាតិ pectin ដែលជួយបង្ការជំងឺមហារីកប្រភេទខ្លះនោះទេ តែវាថែមទាំងមានជាតិវីតាមីន C ជាតិ folic និងបូតាស្យូមផងដែរ។ ក្រូចថ្លុងផ្កាឈូក និងក្រហមដិត គឺមានជាតិ វីតាមីន A និង lycopene ដែលជួយការពារអ្នកពីជំងឺរ៉ាំរៃដូចជាទឹកនោមផ្អែម និងជំងឺបេះដូងជាដើម។
![](https://s9.kh1.co/b8/b87d3405d7fd6e084f40bf9af09adc26d86382c8.png)
៤. ផ្លែចេក
ផ្លែចេកអាចបញ្ឈប់ការឡើងទម្ងន់បាន ព្រោះវាមានតែ១០៥កាឡូរីទេ ហើយវាក៏អាចជួយឲ្យអ្នកប្រឆាំងនឹងជំងឺឈឺសាច់ដុំ និងរក្សាសម្ពាធឈាមឲ្យនៅកម្រិតមួយធម្មតា។
![](https://s9.kh1.co/f0/f03a032f99e65a4eae087f3c5a7c70c5a5907c67.png)
៥. ផ្លែប៉េងប៉ោះ
![](https://s9.kh1.co/5e/5e57ffba90abe7b55017572ade42d8851076e8d3.png)
ប៉េងប៉ោងជាផ្លែឈើមួយ មិនមែនជាបន្លែនោះទេ ហើយផ្លែមួយនោះជួយបំបាត់ការច្រាល់ជាតិទឹកក្នុងរាងកាយផងដែរ។ ផ្លែប៉េងប៉ោះក៏មានកាឡូរីទាបដែរ គឺមានតែ២២កាឡូរីទេក្នុងមួយផ្លែ និងផ្លែធំៗមានតែ៣៣កាឡូរីប៉ុណ្ណោះ។ ៦. បឺរី
បឺរីជាផ្លែឈើដែលមានជាតិស្ករទាបក្នុងមួយក្រាម ដូច្នេះហើយវាស័ក្តសមណាស់សម្រាប់អ្នកចង់សម្រកទម្ងន់៕
![](https://s9.kh1.co/03/0384fbcde30c66bdbb0337d3ce47672ac2a43851.png)
ប្រភព៖: internalmedicine
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]