ហេតុផលដែលនារីៗខ្លះ ចូលចិត្តដ្រាម៉ា (Drama)ខ្លាំង

យល់ដឹង៖ នារីៗម្នាក់មានចរិតខុសប្លែកពីគ្នា អ្នកខ្លះក៏ចូលចិត្តស្ងៀមស្ងាត់ឆ្ងាយពីការចាប់អារម្មណ៍របស់គ្រប់គ្នា ចូលចិត្តអារម្មណ៍ពេលគេយកចិត្តទុកដាក់លើខ្លួន ចូលចិត្តរករឿង ចូលចិត្តយំយែក ចូលចិត្តត្អូញត្អែរ តែអ្នកខ្លះទៀតចូលចិត្តឲ្យគេចាប់អារម្មណ៍ខ្លួន ឲ្យជជែកវែកញែកពីខ្លួន ទើបបង្កើតជារឿងរ៉ាវជាចរិតដ្រាម៉ាឡើងមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តែអ្នកធ្លាប់ឆ្ងល់ដែរទេថា ហេតុអ្វីបានជានារីៗខ្លះចូលចិត្តម៉្លេះដ្រាម៉ាៗហ្នឹង? ខាងក្រោមនេះហើយជាហេតុផល៖

១. នាងធ្លាប់ចួបបទពិសោធអាក្រក់

មនុស្សម្នាក់ៗសុទ្ធតែមានអតីតកាលអាក្រក់ដែលមិនចង់ចងចាំ ហើយជារឿងមួយដែលមិនធ្លាប់ទទួលបានការស្រាយបំភ្លឺឬដោះស្រាយ ដូច្នេះហើយទើបនាងចូលចិត្តចង់ឲ្យគេចាប់អារម្មណ៍មកពីលើខ្លួន។ មួយវិញទៀត នាងក៏ធ្លាប់មានការចងចាំអាក្រក់ៗរហូតមានជំងឺ PTSD (Post Dramatic Stress Disorder) ដែលធ្វើឲ្យអារម្មណ៍នាងផ្លាស់ប្ដូរ ម្ដងខឹង ម្ដងក្រៀមក្រំ ម្ដងភ័យខ្លាចជាដើម។

២. តប់ប្រមល់ខ្លាំង

មនុស្សស្រីមានសម្ពាធត្រូវពន់រែកច្រើនណាស់ ដូច្នេះនាងឆាប់នឹងតប់ប្រមល់ខ្លាំងឬហៅថា ស្ត្រេស មិនថាទាក់ទងនឹងការងារ ស្នេហា ឬគ្រួសារ និងកត្តាផ្សេងៗទើបធ្វើឲ្យនាងក្លាយជាមនុស្សពូកែដ្រាម៉ា។

៣. ឈ្លោះគ្នាជាមួយមិត្ត

ជួនកាល នាងទើបតែមានរឿងឈ្លោះគ្នាជាមួយមិត្តភក្តិដែលធ្លាប់តែស្រលាញ់ធ្លាប់តែទុកចិត្ត រហូតឈានដល់ការបែកបាក់មិត្តភាព ទើបបង្កើតជាអារម្មណ៍មួយមិនទុកចិត្តមនុស្សជុំវិញខ្លួន ហើយក៏ឈានដល់ការឈ្លោះប្រកែកជាមួយមិត្តម្នាក់នោះ បង្កើតជារឿងរ៉ាវហូរហែ។

៤. មានសម្ពាធនៃការប្រកួតប្រជែង

ធ្លាប់តែឃើញគេប្រកួតបវរកញ្ញានៅលើឆាកមែនទេ? តែនៅក្នុងជីវិតពិត នារីៗក៏បានចួបនឹងការប្រកួតប្រជែងជាមួយនារីដទៃទៀតច្រើនណាស់ដែរ មិនថារឿងសម្រស់ អ្នកណាមានជាង អ្នកណាល្បីជាង អ្នកណាពូកែជាង អ្នកណាមានសង្សារស្អាតសង្ហាជាង ល និងល ដូច្នេះទើបធ្វើឲ្យបង្កើតជារឿងជារ៉ាវ។

៥. នាងក្រោកឈរការពារខ្លួនឯង

ពេលមានជម្លោះ អ្នកតែងតែឃើញនារីម្នាក់ៗរករឿងវែកញែកហេតុផល ឬព្យាយាមឈ្លោះជាមួយអ្នក តែការពិតទៅ នាងគ្រាន់តែលើកហេតុផលមកនិយាយមកវែកញែកដើម្បីការពារខ្លួនឯងប៉ុណ្ណោះ ដែលការរៀបរាប់ពីអារម្មណ៍របស់នាងនេះហើយ ធ្វើឲ្យគេមើលមកថានាងដ្រាម៉ា។

៦. បញ្ហាទំនាក់ទំនងគូស្នេហ៍

ទំនាក់ទំនងគូស្នេហ៍មិនមែនស្រស់បំព្រងរហូតទេ តែក៏មានឡើងមានឡើង មានភាពរកាំរកូស ហើយជាធម្មតាទេដែលនារីៗចូលចិត្តត្អូញត្អែរ ចូលចិត្តរករឿង នៅពេលបុរសជាដៃគូមិនដូចពីមុន មិនចាប់អារម្មណ៍នាង ឬធ្វើអីទើសទាល់ឲ្យនាងខកចិត្ត។

៧. នាងស្រលាញ់ដ្រាម៉ា

នារីខ្លះស្រលាញ់ការដ្រាម៉ាតែម្ដង ដោយមិនមានរឿងអីសោះក៏ដ្រាម៉ាចេញដែរ ព្រោះពួកគេចង់ទាមទារចំណាប់អារម្មណ៍ ចង់ឲ្យមនុស្សជុំវិញតាមដាននាង ឬក៏ធ្វើពុតជាជនរងគ្រោះក្នុងរឿងអ្វីមួយដើម្បីឲ្យអ្នកផ្សេងអាណិត។

៨. គ្មានអ្នកណាស្ដាប់នាង

ជួនកាលនាងមានអារម្មណ៍ថា ជីវិតនេះនាងនឿយហត់ណាស់ គ្មានអ្នកណាយល់ចិត្ត គ្មានអ្នកណាស្ដាប់ពីនាង គ្មានអ្នកណាដឹងពីទុក្ខលំបាករបស់នាង អ៊ីចឹងហើយទើបនាងចូលចិត្តណាស់ការដ្រាម៉ា។

៩. ចង់ឲ្យគេស្ញើចសរសើរខ្លួន

ពេលខ្លះនារីម្នាក់នោះ គ្រាន់តែចង់ឲ្យអ្នកមើលមកនាងក្នុងផ្លូវល្អ ឬស្ញើចសរសើរនាង ទើបនាងរាងនិយាយឮៗ រាងនិយាយច្រើន ឬបញ្ចេញកាយវិការណាមួយដែលលើសលស់ជ្រុលពេក ទាំងដែលធាតុពិត នាងគ្រាន់តែចង់ឲ្យខ្លួនឯងលេចធ្លោប៉ុណ្ណោះ។

១០. នាងមិនដ្រាម៉ាទេតែបុរសចូលចិត្តមើលមកបែបនោះ

ជួនកាល នេះគ្រាន់តែជាចរិតរបស់មនុស្សស្រីដែលចូលចិត្តអ្វីសាំញ៉ាំ ចូលចិត្តមានរឿងរ៉ាវ ចូលចិត្តចេះដឹងរឿងគេ ចូលចិត្តនិយាយដើមគេ ដែលបុរសៗច្រើនគិតថាវាជាដ្រាម៉ា។ នារីដ្រាម៉ាខ្លះៗមិនជាបញ្ហាអ្វីនោះទេ ព្រោះនេះជាចរិតពីធម្មជាតិរបស់នាង ដូច្នេះបុរសៗមិនគួរប្រកាន់នាងច្រើនទេ៕

ប្រភព៖: veryinformed

• យុវវ័យ
• គ្រួសារ
• ស្នេហា
• ជីវិត
• មិត្ត