Bang Si Hyuk ម្ចាស់ទ្រនំ HYBE ក្លាយជាអ្នកមានបំផុតលំដាប់ទី៣ ក្នុងវិស័យតន្ត្រី

កូរ៉េខាងត្បូង៖ កាលពីថ្មី​ៗ នេះ គេហទំព័រ Billboard បានបញ្ចេញបញ្ជីទិន្នន័យ អ្នកមានបំផុត ដែលបង្ហាញពីចំណាត់ថ្នាក់នៃភាគទុនិកក្នុងចំណោមក្រុមហ៊ុនតន្ត្រីល្បី ៗ ទូទាំងពិភពលោក។

យោងតាមរបាយការណ៍ដែលបានចេញផ្សាយកាលពីថ្ងៃទី ២៦ ខែកញ្ញា ប្រធានក្រុមហ៊ុន HYBE លោក Bang Si Hyuk បានឈរនៅលំដាប់ទី ៣ ក្នុងបញ្ជីនេះ នៅពីក្រោយសហស្ថាបនិក Spotify លោក Daniel Ek និងលោក Martin Lorentzon ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Bang Si Hyuk កាន់កាប់ភាគហ៊ុននៅ HYBE ប្រហែលនឹង ៣១.៨% សរុបជាទឹកប្រាក់​តម្លៃ ២.៥៤ ពាន់លានដុល្លារ (ស្មើនឹងប្រហែល ៣.៤៣៨៩ ពាន់ពាន់លានវ៉ុនរបស់កូរ៉េ) ។

ទៀតសោត Billboard បានរាយការណ៍ថាតួលេខនេះ បានចង្អុលបង្ហាញ ពីការកើនឡើងគួរឱ្យកត់សម្គាល់់បើប្រៀបធៀបពីឆ្នាំមុន នៅពេលដែលភាគហ៊ុនរបស់ Bang មានតម្លៃ ១.៧ ពាន់លានដុល្លារ (ប្រហែល ២.៣១៦ ពាន់ពាន់លានវ៉ុនរបស់កូរ៉េ)៕

ប្រភព៖ Allkpop

សូមទស្សនារូបភាពខាងក្រោម៖