គួរឲ្យអាណិត តារាកូរ៉េរូបនេះ ធ្វើ fan meeting តែមានហ្វេន៧នាក់ប៉ុណ្ណោះមកចូលរួម

កម្សាន្ត៖ កាលពីថ្មីៗនេះ អ្នកលេងបណ្ដាញសង្គមបានបង្ហាញចំណាប់អារម្មណ៍ទៅកាន់តារាសម្ដែងប្រុស លោក Jang Geun Suk ដែលលោកបានធ្វើ Fan Meeting ដើម្បីជាការអបអរដែលលោកទទួលបានអ្នក​​ ​Subscribe នៅក្នុង Youtube ចំនួន១០ម៉ឺននាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក មានអ្នកគាំទ្រមកចូលរួមត្រឹមតែ៧នាក់ប៉ុណ្ណោះ ដែលធ្វើឲ្យតារាប្រុសរូបនេះ មានការស្រងាកចិត្តជាខ្លាំង ប៉ុន្ដែលោកនៅតែគិតវិជ្ជមាន ដោយលោកបាននិយាយថា ប្រហែលជាពួកគេអៀនបានជាមិនមានអ្នកណាហ៊ានចូលមកជួបលោក។

ជាមួយគ្នានេះដែរ នៅក្នុងថ្ងៃកម្មវិធីនោះ ចៃដន្យមានភ្លៀងមួយមេធំ ដែលធ្វើឲ្យ Geun Suk គិតថា ប្រហែលជាមកពីភ្លៀងហើយ លោកបានរើសថ្ងៃខុស ប៉ះថ្ងៃដែលមិនល្អ ទើបធ្វើឲ្យកម្មវិធីស្ងាត់បែបនេះ។ លើសពីនោះ លោកនិយាយទាំងក្ដីរំពឹងថា ថ្ងៃក្រោយច្បាស់ជាមានមនុស្សមកឈរតម្រង់ជួរចាំជួបខ្លួនជាមិនខាន។

ក្រោយពីលោកជួបហេតុការណ៍បែបនេះហើយ អ្នកគាំទ្រដែលលេងបណ្ដាញសង្គមនាំគ្នាបង្ហាញអារម្មណ៍អាណិត ហើយពួកគេប្ដេជ្ញាថា ពួកគេនឹងទៅឈរតម្រង់ជួរដើម្បីចាំជួបតារាសម្ដែងប្រុស Jang Geun Suk៕

ប្រភព៖ Oppanism

• រូបភាព
• តារាកូរ៉េ